Sunil Gavaskar On Rohit Sharma: रोहित शर्माच्या धाडसाचे केले जात आहे कौतुक, मात्र गावस्कर यांनी प्रश्न केले आहेत उपस्थित

IND vs BAN: आपण वर्षानुवर्षे रोहित शर्माला (Rohit Sharma) सलामीवीर म्हणून खेळताना पाहिले आहे, पण बुधवारी (7 डिसेंबर) तो 9व्या क्रमांकावर फलंदाजीसाठी उतरला. भारतीय संघाला त्याची गरज होती आणि त्याने अंगठ्याला दुखापत होऊनही शौर्य दाखवून आपल्या संघाला साथ दिली. 9व्या क्रमांकावर फलंदाजी करणाऱ्या भारतीय फलंदाजाने 28 चेंडूत 51 धावांची स्फोटक खेळी खेळली, पण भारताला विजय मिळवण्यात अपयश आले. अशा स्थितीत भारताचा माजी कर्णधार आणि महान फलंदाज सुनील गावसकर (Sunil Gavaskar) यांनी रोहितच्या या धाडसी खेळीचे कौतुक केले, पण त्याचवेळी त्याला जर फलंदाजी करायचीच होती तर ती थोडी आधी का केली नाही असा सवालही केला आहे.

रोहित आधी फलंदाजीला का आला नाही?

सोनी स्पोर्ट्स नेटवर्कवरील चर्चेदरम्यान सुनील गावस्कर म्हणाले, “प्रत्येकाला रोहित शर्माची गुणवत्ता आणि क्लास माहित आहे. भारत एवढा जवळ आला असताना, ते प्रथम फलंदाजीला का आला नाहीत, असा प्रश्न उपस्थित होत आहे. जर तो 9व्या क्रमांकावर फलंदाजी करणार असेल तर त्याने 7व्या क्रमांकावर फलंदाजी करायला हवी होती. तो करू शकतो असे मला वाटते. अक्षर पटेल अजुन थोडा वेगळा खेळू शकला असता. (हे देखील वाचा: विश्वचषकापूर्वी Team India मध्ये होणार बदल, प्रशिक्षक Rahul Dravid ने सांगितला मास्टर प्लॅन)

निकाल वेगळा लागला असता

ते पुढे म्हणाले, “जेव्हा अक्षरने पाहिले की शार्दुल ठाकूर आणि दीपक चहर येत आहेत, तेव्हा तो कदाचित विचार करत होता की कदाचित रोहित शर्मा फलंदाजी करणार नाही. आणि म्हणूनच तो शॉट खेळला. तो त्या अवस्थेत असताना तो शॉट खेळण्याची गरज नव्हती. रोहित दुसऱ्या टोकाला आला असता तर अक्षरने वेगळी फलंदाजी केली असती. तो ज्या पद्धतीने फलंदाजी करत होता, कोणाला माहित होते की निकाल वेगळा असू शकतो.