Rohit Sharma In WTC: रोहित शर्माने केला 'हा' अनोखा विक्रम, या बाबतीत अजिंक्य रहाणेला टाकले मागे; येथे पाहा आकडेवारी
यावेळी टीम इंडियाने सामन्यावर आपली पकड प्रस्थापित केली आहे. टीम इंडियाचा कर्णधार रोहित शर्माच्या बॅटला सामन्याच्या पहिल्याच दिवशी जास्त धावा करता आल्या नाहीत, मात्र याआधी त्याने क्षेत्ररक्षणाचा नवा टप्पा नक्कीच गाठला आहे.
IND vs ENG Test Series: भारत आणि इंग्लंड यांच्यातील पाच सामन्यांची कसोटी मालिका 25 जानेवारीपासून सुरू होत आहे. या मालिकेतील पहिला सामना हैदराबादच्या राजीव गांधी आंतरराष्ट्रीय स्टेडियमवर खेळवला जात आहे. दोन्ही संघ पुढील दीड महिना या कसोटी मालिकेत व्यस्त असतील. पहिल्या कसोटीत टीम इंडियाने एकप्रकारे इंग्लंडला बॅकफूटवर ढकलले आहे. यावेळी टीम इंडियाने सामन्यावर आपली पकड प्रस्थापित केली आहे. टीम इंडियाचा कर्णधार रोहित शर्माच्या बॅटला सामन्याच्या पहिल्याच दिवशी जास्त धावा करता आल्या नाहीत, मात्र याआधी त्याने क्षेत्ररक्षणाचा नवा टप्पा नक्कीच गाठला आहे. रोहित शर्माने या प्रकरणात अजिंक्य रहाणेला मागे टाकले आहे. (हे देखील वाचा: Yashasvi Jaiswal New Record: यशस्वी जैस्वालने पहिल्याच कसोटीत केला अनोखा विक्रम, 'या' प्रकरणात रोहित शर्मा आणि वीरेंद्र सेहवागला टाकले मागे)
रोहित शर्माने अजिंक्य रहाणेला मागे टाकले
आयसीसी वर्ल्ड टेस्ट चॅम्पियनशिप अंतर्गत इंग्लंडविरुद्ध पाच सामन्यांची कसोटी मालिका खेळवली जात आहे. जरी टीम इंडिया सध्या WTC पॉइंट टेबलमध्ये दुसऱ्या स्थानावर असली तरी लवकरच ती पहिल्या क्रमांकावर कब्जा करू शकते. दरम्यान, आयसीसी वर्ल्ड टेस्ट चॅम्पियनशिपमध्ये झेल घेण्याच्या बाबतीत रोहित शर्माने आता अजिंक्य रहाणेला मागे टाकले आहे.
रोहित शर्मा दुसऱ्या स्थानावर
आयसीसी वर्ल्ड टेस्ट चॅम्पियनशिपच्या इतिहासात टीम इंडियाचा स्टार फलंदाज अजिंक्य रहाणेने 29 सामने खेळल्यानंतर 29 झेल घेतले आहेत. तर रोहित शर्माने आपल्या 28 व्या सामन्यातच 30 झेल घेतले आहेत. टीम इंडियाकडून डब्ल्यूटीसीमध्ये सर्वाधिक झेल घेतलेल्या भारतीय खेळाडूंबद्दल बोलायचे झाले तर आता रोहित शर्मा दुसऱ्या क्रमांकावर पोहोचला आहे. या बाबतीत माजी कर्णधार विराट कोहली पहिल्या क्रमांकावर आहे. विराट कोहलीने 36 सामने खेळल्यानंतर 39 झेल घेतले आहेत.
स्टीव्ह स्मिथने घेतले सर्वधिक झेल
ऑस्ट्रेलियाचा स्टार फलंदाज स्टीव्ह स्मिथने वर्ल्ड टेस्ट चॅम्पियनशिपमध्ये सर्वाधिक झेल घेतले आहेत. स्टीव्ह स्मिथच्या नावावर 82 झेल आहेत. इंग्लंडचा माजी कर्णधार जो रूट 77 झेलांसह दुसऱ्या स्थानावर आहे. त्याचबरोबर इंग्लंडचा कर्णधार बेन स्टोक्स 45 झेलांसह तिसऱ्या स्थानावर आहे. इंग्लंडचा स्टार फलंदाज जॅक क्रॉलीने 43 झेल घेतले असून तो चौथ्या क्रमांकावर आहे. यानंतर टीम इंडियाचा स्टार फलंदाज विराट कोहली या यादीत पाचव्या स्थानावर आहे. विराट कोहलीच्या नावावर 39 झेल आहेत.