Ranji Trophy 2022: दोन वर्षांच्या विश्रांतीनंतर रणजी चषकचे 9 ठिकाणी 19 सामन्यातून पुनरागमन, पुजारा-रहाणे यांच्यासह ‘या’ भारतीय खेळाडूंवर असणार नजर

Ranji Trophy 2022: अजिंक्य रहाणे (Ajinkya Rahane) आणि उमेश यादव (Umesh Yadav) यांच्यासारख्या काही खेळाडूंना निवडकर्त्यांनी रणजी क्रिकेटमध्ये परत जाण्यास सांगितले आणि ते इंडियन प्रीमियर लीग (IPL) 2022 च्या हंगामापूर्वी मैदानावर बॅट व बॉलने कामगिरी करून लयीत परतण्यासाठी प्रयत्नशील असतील. देशातील कोविड-19 च्या परिस्थितीत सुधारणा झाल्यानंतर, भारतीय क्रिकेटचा कणा असलेली रणजी ट्रॉफी (Ranji Trophy) 2022 चे दोन वर्षानंतर 17 फेब्रुवारी रोजी पुनरागमन झाले आहे. यामध्ये अनेक देशांतर्गत क्रिकेटपटूंना दीर्घकालीन क्रिकेटमध्ये आपली क्षमता दाखवण्याची संधी मिळेल आणि अजिंक्य रहाणे व चेतेश्वर पुजारा यांसारख्या अनुभवी खेळाडूंना त्यांच्या कसोटी कारकिर्दीची आशा कायम ठेवण्याची ही अंतिम संधी असेल. (Ranji Trophy 2022: फेब्रुवारीमध्ये सुरू होणाऱ्या रणजी ट्रॉफीसाठी बीसीसीआयने बनवले नवीन नियम, जाणून घ्या याविषयी अधिक)

या देशांतर्गत स्पर्धेदरम्यान सर्वांचे लक्ष गतविजेता सौराष्ट्र आणि 41 वेळा विजेते मुंबई यांच्यातील सामन्यावर असेल ज्यात रहाणे आणि पुजारा आमनेसामने असतील. या दोघांचेही लक्ष्य मोठी धावसंख्येवर असेल कारण ते दीर्घकाळापासून कसोटी स्तरावर कामगिरी करू शकले नाहीत. श्रीलंकेविरुद्ध कसोटी मालिकेसाठी संघाची लवकरच घोषणा होणार असल्याने रहाणे आणि पुजारा यांना तात्काळ प्रभाव पाडावा लागणार आहे. रणजी ट्रॉफी दरम्यान चांगली कामगिरी करण्यासाठी खालील खेळाडूंवर नजर असेल.

1. अजिंक्य रहाणे

मुंबईकर फलंदाजासाठी हा सर्वात महत्त्वाचा रणजी हंगाम असू शकतो. निवडकर्ते श्रीलंका मालिकेसाठी त्याची निवड करणार नाहीत आणि त्याला देशांतर्गत क्रिकेटमध्ये परत जाण्यास सांगण्यात आले. एक सिद्ध मॅचविनर रहाणेचे लक्ष मुंबईसाठी धावा करण्याचे असेल. KKR ने त्याला त्याच्या 1 कोटीच्या मूळ किमतीत घेतले. चांगला देशांतर्गत हंगाम आणि आयपीएल 2022 पूर्वी रहाणेचा आत्मविश्वास वाढण्यात महत्वाची भूमिका बजावेल.

2. उमेश यादव

उमेश यादवला 2022 च्या रणजी हंगामासाठी विदर्भ संघात स्थान देण्यात आले आहे. रहाणेप्रमाणे वेगवान गोलंदाजाचा उदासीन फॉर्म, शार्दुल ठाकूर यांच्यासारख्यांचा उदय आणि मोहम्मद सिराजने त्याला अनुकूलतेतून बाहेर पाडले आहे. विदर्भासाठी एक प्रभावी देशांतर्गत हंगाम त्याचा फॉर्म आणि गती परत मिळवण्यास मदत करेल. तसेच केकेआरसाठी आयपीएल हंगामापूर्वी त्याला चांगल्या स्थितीत उभे करेल.

3. शिवम दुबे

भारताचा अष्टपैलू खेळाडू शिवम दुबेला CSK ने मेगा लिलावात 4 कोटींमध्ये खरेदी केले आहे. व्हाईट बॉल फॉरमॅटसाठी दुबे सध्या चांगल्या लयीत नाही. त्याने रणजीमध्ये सभ्य कामगिरी केली आहे आणि तो प्लेइंग इलेव्हनमध्ये नियमित खेळला आहे. रणजी चषक दुबेसाठी फारसी यशस्वी ठरलेली नाही. भारताने येत्या काही काळात अष्टपैलू खेळाडूंकडे लक्ष दिल्याने सीएसकेचा खेळाडू बॅट आणि बॉलने चांगली कामगिरी करण्याचा प्रयत्न करेल. यामुळे त्याला पुन्हा एकदा भारतीय संघात स्थान मिळवण्याची संधी मिळेल.

4. कृणाल पांड्या

बडोद्याचा अष्टपैलू खेळाडू क्रुणाल पांड्या साधय व्हाईट बॉल फॉरमॅटमध्ये संघातून बाहेर पडला आहे. तथापि, मेगा लिलावादरम्यान तो अजूनही मागणीत होता. त्याच्या अष्टपैलू पराक्रमामुळे लखनौ सुपर जायन्ट्सने त्याला विकत घेण्यासाठी 8.25 कोटी खर्च केले. कृणाल गेल्या दोन वर्षांपासून मुंबई इंडियन्ससाठी सर्वोत्तम खेळ करू शकलेला नाही. त्यामुळे बडोदा खेळाडूसाठी त्याची योग्यता सिद्ध करण्याची एक चांगली संधी आहे.

5. विजय शंकर

अष्टपैलू विजय शंकरसाठी हा मोसम महत्त्वाचा ठरू शकतो. दुबे प्रमाणेच त्यालाही व्हाईट-बॉल फॉरमॅटमध्ये संधी देण्यात आल्या, पण तो प्रभावित करण्यात अपयशी ठरला. या रणजी मोसमात तो तामिळनाडूचा कर्णधार आहे. शंकरने सय्यद मुश्ताक अली टी-20 स्पर्धेत चांगला खेळ केला आणि संघाला विजयीरेष ओलांडून दिली. त्यामुळे तामिळनाडू संघासाठी शंकर पुन्हा एकदा महत्वाचा असेल.