Vijay Karkhanis Dies: मुंबई संघाचे माजी यष्टीरक्षक-फलंदाज विजय कारखानीस कलावश; वयाच्या 83 वर्षी निधन

Vijay Karkhanis Dies: रणजी ट्रॉफी 1967-68 च्या विजेत्या मुंबई संघाचे यष्टीरक्षक-फलंदाज विजय कारखानीस (Vijay Karkhanis) यांचे रविवारी बोरिवली येथील त्यांच्या निवासस्थानी निधन झाले. ते 83 वर्षांचे होते. सात प्रथम श्रेणी सामन्यांमध्ये मुंबईचे प्रतिनिधित्व करणारे कारखानीस क्रिकेट जगतात पापा म्हणून ओळखले जात होते. त्यांच्या जाण्याने क्रिकेट विश्वात शोककळा पसरली आहे. 1967-68 च्या रणजी फायनलमध्ये त्यांनी ब्रेबॉर्न स्टेडियमवर (Brabourne Stadium) झालेल्या मद्रासविरुद्ध 53 आणि 43 धावा केल्या ज्यामुळे मनोहर हर्डीकर यांच्या नेतृत्वाखालील मुंबई संघाला सलग 10 वे रणजी विजेतेपद मिळवून देण्यात मदत झाली.

एमसीएकडून आदरांजली

We are deeply saddened to share the passing of Vijay Karkhanis, who left us today. His presence, warmth, and contributions will be remembered by all who knew him.

Our thoughts and heartfelt condolences go out to his family and loved ones during this difficult time. May his soul… pic.twitter.com/S5UGMPgi7e

— Mumbai Cricket Association (MCA) (@MumbaiCricAssoc) May 18, 2025

त्यांचे माजी मुंबई आणि शिवाजी पार्क जिमखाना (एसपीजी) संघातील सहकारी पद्माकर शिवलकर (84) यांनीही विजयात योगदान दिले आणि अंतिम सामन्यात पाच बळी घेतले. अनुभवी प्रशिक्षक विलास गोडबोले यांच्याकडून करकानीसच्या विकेटकीपिंगबद्दल कौतुक करत म्हटले की, "शिवलकर, पापा आणि मी 1960-61 मध्ये एसपीजीसाठी पदार्पण केले आणि क्लबला तालीम शील्डच्या अंतिम फेरीत पोहोचण्यास मदत केली. पापा एक चांगला विकेटकीपर होते. खूप आनंदी व्यक्ती होते. त्यांना मराठी नाटकांचे संवाद पुनरुत्पादित करायला आवडायचे."

आक्रमक फलंदाजी आणि यष्टीरक्षक म्हणून ओळखले जाणारे कारखानीस यांनी रणजी विजेत्या मुंबईसाठी 7 सामने खेळले. त्या 7 सामन्यांमध्ये त्यांनी 289 धावा केल्या. यष्टीमागून आपली जादू दाखवत 19 फलंदाजांना तंबुचा रस्ता दाखवला.

(The above story first appeared on LatestLY on May 19, 2025 12:13 PM IST. For more news and updates on politics, world, sports, entertainment and lifestyle, log on to our website latestly.com).