PCB vs BCCI: जय शाहच्या वक्तव्यावर, PCB ने ACC सोबत तातडीची बैठक मागितली, 2023 च्या विश्वचषकावरही होऊ शकतो परिणाम

आशिया चषक 2023 (Asia Cup 2023) संदर्भात जय शाह (Jay Shah) यांच्या वक्तव्याने पाकिस्तान (Pakistan) थक्क झाला आहे. याप्रकरणी पाकिस्तान क्रिकेट बोर्डाने (PCB) आशियाई क्रिकेट परिषदेची तातडीची बैठक बोलावली आहे. पीसीबीने एसीसीकडे दाद मागितली असून आशियाई क्रिकेट परिषदेला तातडीची बैठक बोलावून या प्रकरणावर निर्णय घेण्यास सांगितले आहे. यापूर्वी, पाकिस्तान क्रिकेट बोर्डाने म्हटले होते की, जर भारताने पाकिस्तानमध्ये होणार्‍या आशिया चषकाचे आयोजन तटस्थ ठिकाणी केले तर पीसीबी 2023चा एकदिवसीय विश्वचषकही भारतात होण्याऐवजी तटस्थ ठिकाणी  आयोजित करण्याचा प्रयत्न करेल. बीसीसीआयचे सचिव जय शाह यांनी सांगितले की, भारत पुढील वर्षी पाकिस्तानमध्ये होणारा आशिया कप खेळणार नाही. ही स्पर्धा तटस्थ ठिकाणी आयोजित केली जाईल (जेथे भारत आणि पाकिस्तान दोघेही खेळण्यास सहमत राहतील). यानंतर जय शाह यांच्या वक्तव्यावर पाकिस्तान खेळाडूंनी आणि पीसीबीनी चिंता व्यक्त केली आहे.

पीसीबीचे विधान काय आहे?

जय शाह यांच्या वक्तव्यावर, पीसीबीने अधिकृत प्रेस रिलीज जारी करून म्हटले आहे की, “पीसीबीने पुढील वर्षीच्या आशिया चषकाबाबत एसीसी अध्यक्ष जय शाह यांच्या वक्तव्याची दखल घेतली आहे. तटस्थ ठिकाणी ही स्पर्धा आयोजित करताना पाहून आश्चर्य आणि निराशा झाली. आशियाई क्रिकेट परिषद किंवा स्पर्धेचे यजमान पाकिस्तान क्रिकेट बोर्ड यांच्याशी कोणतीही चर्चा न करता आणि त्यांच्या दीर्घकालीन परिणामांचा विचार न करता ही टिप्पणी करण्यात आली.

शहा यांचे विधान स्पष्टपणे एकतर्फी - पीसीबी

“एसीसीच्या बैठकीत, एसीसी बोर्ड सदस्यांच्या जबरदस्त पाठिंब्याने पाकिस्तानला एसीसी आशिया कपचे यजमानपद देण्यात आले. एसीसी आशिया चषक स्थलांतरित करण्याबाबत शहा यांचे विधान स्पष्टपणे एकतर्फी आहे. सप्टेंबर 1983 मध्ये आशियाई क्रिकेट परिषदेची स्थापना ज्या भावनेसाठी करण्यात आली होती त्या विरोधात हे आहे. एसीसीची स्थापना त्याच्या सदस्यांच्या हिताचे रक्षण करण्यासाठी आणि आशियातील क्रिकेट खेळाचे आयोजन, विकास आणि प्रचार करण्यासाठी करण्यात आली. (हे देखील वाचा: Asia Cup 2023: भारताने पाकिस्तानला जाण्यास नकार दिल्यानंतर पीसीबीने 2023 वनडे वर्ल्ड कपमधून बाहेर पडण्याची दिली धमकी - Report)

टीम इंडिया 2008 मध्ये शेवटच्या वेळी पाकिस्तानला गेली होती

भारतीय क्रिकेट संघाने 2008 मध्ये शेवटचा पाकिस्तान दौरा केला होता. 2008 आशिया चषकाचे आयोजन पाकिस्तानने केले होते. यानंतर दोन्ही देशांमधील संबंध बिघडत गेले आणि भारताने कधीही पाकिस्तानला भेट दिली नाही. पाकिस्तानने शेवटची वेळ 2013 मध्ये भारताला भेट दिली होती. यानंतर दोन्ही देशांमधील राजकीय संबंध आणखी बिघडले आणि ही दोन्ही देशांमधील शेवटची मालिका ठरली.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)