भारत आणि दक्षिण आफ्रिका यांच्यात झालेल्या तीन सामन्यांच्या मालिकेत चौथ्या दिवशी विजय मिळवला. पुणे कसोटी जिंकल्यानंतर भारताने इतिहास रचून जागतिक विक्रमाची नोंद केली आहे. घरच्या मैदानावर खेळताना हा भारताचा सलग 11 वा कसोटी मालिका विजय आहे. या प्रकरणात भारताने ऑस्ट्रेलियाला मागे टाकत हा विश्वविक्रम आपल्या नावावर केला आहे.
Live
India vs South Africa 2nd Test Day 4 Updates: भारताने डाव आणि 137 धावांनी विजय मिळवत जिंकली मालिका
भारत आणि दक्षिण आफ्रिका यांच्यातील तिसर्‍या दिवसाचा खेळ संपण्याआधी दक्षिण आफ्रिकेचा पहिला डाव 275 धावांनी संपुष्टात आला. भारताला 326 धावांची आघाडी मिळाली. दक्षिण आफ्रिकेविरुद्ध भारताला 326 धावांची आघाडी असून टीम इंडिया फॉलोऑन देते की नाही याचा निर्णय आज घेण्यात येईल.
13 Oct, 20:30 (IST)
उमेश यादवने दक्षिण आफ्रिकेला नववा झटका दिला. कगिसो रबाडा 4 धावांवर बाद.
13 Oct, 20:27 (IST)
टी-ब्रेकनंतर खेळ सुरू झाला आहे. वेर्नोन फिलँडर याच्या रूपात दक्षिण आफ्रिकेला आठवा धक्का बसला. 66.1 षटकांत रिद्धिमान साहाने उमेश यादवच्या गोलंदाजीवर फिलांडरचा झेल पकडला. फिलँडर 72 चेंडूंत 2 चौकार आणि 2 षटकारांसह 37 धावा करून पॅव्हिलियनमध्ये परतला. नवीन फलंदाज कागिसो रबाडा दाखल झाला आहे. भारत आता विजयापासून अवघ्या दोन विकेट दूर आहे.
13 Oct, 19:49 (IST)
दक्षिण आफ्रिकेच्या 150 धावा पूर्ण झाल्या आहेत. विजयापासून भारत अवघ्या तीन विकेट दूर आहे. चहा च्या वेळेपर्यंत वेर्नोन फिलँडर आणि केशव महाराज अनुक्रमे नाबाद 29 आणि 17 धावांवर खेळत आहेत.
13 Oct, 19:44 (IST)
भारत विजयाच्या जवळ येताच मोहम्मद शमीने 45 व्या ओव्हरमध्ये रोहित शर्मा याच्या जोरावर सेनुरन मुथुस्वामीला झेलबाद करून त्याचा डाव संपुष्टात आणला. त्याने 44 चेंडूत नऊ धावा केल्या. भारत आता विजयापासून अवघ्या तीन विकेट दूर आहे.
13 Oct, 18:56 (IST)
वेगवान गोलंदाज मोहम्मद शमी याने भारताला विजयाच्या जवळ आणले आहे. त्याने सेनुरन मुथुस्वामीला 9 धावांवर बाद करून दक्षिण आफ्रिकेला सातवा धक्का दिला. आफ्रिकी संघ अजून 183 धावांनी पिछाडीवर आहे.
13 Oct, 18:41 (IST)
रवींद्र जडेजाच्या ओव्हरच्या दुसऱ्या चेंडूवर टेंबा बावुमाच्या बॅटच्या कडेला बॉल लागून स्लिपवर उभा असलेल्या अजिंक्य रहाणे याने सुंदर कॅच पकडला. आणि डोकादायक दिसणाऱ्या बावुमाला माघारी धाडले. बावुमा 38 धावांवर बाद झाला.
13 Oct, 17:51 (IST)
लंचनंतर दुसर्‍या षटकात फिरकीपटू रवींद्र जडेजाने भारताला विकेट मिळवून दिली. त्याने विकेटकीपर क्विंटन डी कॉकला बोल्ड केले. दक्षिण आफ्रिकेने पाच विकेट गमावल्या आहेत.
13 Oct, 17:12 (IST)
दुसर्‍या टेस्टच्या चौथ्या दिवशी लंच टाइम झाला आहे. या सत्रात भारताने दक्षिण आफ्रिकेची चार महत्त्वपूर्ण विकेट मिळविल्या आहेत. भारत विजयापासून अवघ्या 6 विकेट दूर आहे.
13 Oct, 17:01 (IST)
अश्विन गोलंदाजीवर आला आणि डीन एल्गारला बाद केले. 25 व्या ओव्हरमधील दुसऱ्या चेंडूवर एल्गरने मिडऑनच्या दिशेने मारण्याचा प्रयत्न केला, पण परंतु तिथे उभा असलेल्या उमेश यादवने झेल टिपला. डीन एल्गर 72 चेंडूत 48 धावांवर बाद झाला. विकेटकीपर फलंदाज क्विंटन डी कॉक क्रीजवर आला आहे.
13 Oct, 16:53 (IST)
टीम इंडियाचे गोलंदाजांनी आफ्रिकी फलंदाजीवर वर्चस्व बनवून ठेवले आहे. पहिल्या ड्रिंक्स ब्रेकनंतर संघाला मोठी विकेट मिळाली आहे. कर्णधार फाफ डू प्लेसिस 5 धावांवर आउट झाला. अश्विनच्या गोलंदाजीवरडू प्लेसिस रिद्धिमान साहाच्या हाती झेल बाद झाला. विशेषतः अश्विनने या मालिकेत तिसऱ्यांदा त्याला बाद केले. 70 धावांवर दक्षिण आफ्रिकेची तिसरी विकेट पडली.
13 Oct, 15:34 (IST)
भारत आणि दक्षिण आफ्रिका यांच्या दुसऱ्या टेस्टच्या चौथ्या दिवसाच्या खेळाला सुरुवात झाली आहे. आफ्रिकेच्या दुसऱ्या डावात 6 ओव्हरचा खेळ झाला असून आफ्रिकेने 2 विकेट गमावले आहेत. एडन मार्क्रम पाठोपाठ थेउनिस डी ब्रुयन देखील बाद झाला. उमेश यादवने डी ब्रुयनला 8 धावांवर माघारी पाठवले.
13 Oct, 15:05 (IST)
दक्षिण आफ्रिकाविरुद्ध दुसऱ्या टेस्टमध्ये भारताने फॉलोऑनचा निर्णय घेतला आणि. इशांत शर्मा याने गोलंदाजीची सुरुवात केली आणि दुसऱ्याच बॉलवर संघाला पहिले यश मिळवून दिले. एडन मार्क्रम शून्यावर बाद झाला.
भारत (India) आणि दक्षिण आफ्रिका (South Africa) यांच्यातील तीन सामन्यांच्या मालिकेतला दुसरा कसोटी सामना पुण्याच्या महाराष्ट्र क्रिकेट असोसिएशन स्टेडियमवर खेळला जात आहे. तिसर्‍या दिवसाचा खेळ संपण्याआधी दक्षिण आफ्रिकेचा पहिला डाव 275 धावांनी संपुष्टात आला. आणि भारताला 326 धावांची आघाडी मिळाली. भारताकडून आर अश्विन (R Ashwin) याने चार, तर उमेश यादव (Umesh Yadav) याने तीन गडी बाद केले. दक्षिण आफ्रिकेकडून केशव महाराज (Keshav Maharaj) याने सर्वाधिक 72 धावा केल्या. कर्णधार फाफ डू प्लेसीने (Faf du Plessis) 64 धावा केल्या तर वर्नोन फिलेंडर नाबाद 44 धावा करून परतला. दक्षिण आफ्रिकेविरुद्ध भारताला 326 धावांची आघाडी असून टीम इंडिया फॉलोऑन देते की नाही याचा निर्णय आज घेण्यात येईल. यापूर्वी टीम इंडियाने त्यांचा पहिला डाव 601 धावांवर घोषित केला होता. केशव महाराज आणि वर्नोन फिलेंडर यांनी 109 धावांची भागीदारी करत भारतीय गोलंदाजांना परेशान केले.
सकाळच्या सत्रातील मोहम्मद शमी याची शानदार गोलंदाजी आणि रिद्धिमान साहा याचा अप्रतिम झेल आकर्षणाचे केंद्र राहिले. यानंतर दक्षिण आफ्रिकेचा कर्णधार फाफ डू प्लेसीस आणि क्विनटोन डिकाक हे डाव साकारण्याचा प्रयत्न करीत होते. दोघांची 75 धावांची भागीदारी अश्विनने डी कॉकला बाद करून मोडली. सकाळच्या सत्रात शमीने 10 ओव्हरमध्ये 28 धावा देऊन दोन गडी बाद केले तर उमेशने आठ ओव्हरमध्ये 27 धावा देऊन तीन विकेट घेतल्या. दक्षिण आफ्रिकेचे खेळाडू फलंदाजांना उपयुक्त ठरलेल्या खेळपट्टीवर संघर्ष करताना दिसत होते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
IND vs SA 2nd Test 2019
IND vs SA Live Score
india national cricket team
India vs south africa
India vs South Africa 2nd Test 2019
India vs South Africa Live Cricket Score
India vs South Africa Live Online
India vs South Africa Live Score
Live Breaking News Headlines
South Africa National Cricket Team
भारत विरुद्ध दक्षिण आफ्रिका