विझॅकमध्ये भारत आणि दक्षिण आफ्रिका यांच्यात खेळल्या जाणार्‍या पहिल्या कसोटीच्या चौथ्या दिवसाच्या शेवटी भारताने आपली पकड आणखी मजबूत केली आहे. सामना संपण्यापूर्वी आफ्रिकेने 11 धावांवर एक विकेट गमावली आहे. भारत आता विजयापासून 9 विकेट दूर आहे.
Live
IND 323/4 in 67 Overs| IND vs SA 1st Test Match 2019 Day 4 Live Score Updates: टीम इंडियाचा दुसरा डाव 323/4 वर घोषित, दक्षिण आफ्रिकेला विजयासाठी 394 धावांचे लक्ष्य
भारत आणि दक्षिण आफ्रिका यांच्यातील पहिल्या टेस्ट सामन्याच्या तिसऱ्या दिवशी डीन एल्गार याच्या दीडशे धावांनी आफ्रिकी संघ मजबूत स्थितीत पोहचला आहे. दुसऱ्या दिवशी सर्वांच्या नजरा रविचंद्रन अश्विन याच्यावर असणार आहे. आफ्रिकेच्या पहिल्या डावात अश्विनने 5 विकेट घेतल्या होत्या.
05 Oct, 22:43 (IST)
टीम इंडियाचा फिरकी गोलंदाज रवींद्र जडेजा ने संघाला पहिले यश मिळवून दिले. आफ्रिकेचा सलामीवीर डीन एल्गारने दोन धावांच्या वैयक्तिक धावसंख्येवर बाद केले.
05 Oct, 22:15 (IST)
टीम इंडियाने पहिल्या टेस्टचा दुसरा डाव 4 बाद 323 धावांवर घोषित केला. आणि आफ्रिकेला विजयासाठी 395 धावांचे लक्ष्य मिळाले आहे. भारतीय संघासाठी रोहित शर्मा याने पुन्हा एकदा शतकी खेळी केली. चौथ्या दिवसाचा खेळ संपण्यासाठी अजून 13 ओव्हर्स बाकी आहे. रवींद्र जडेजाने रोहितला चांगला पाठिंबा दर्शविला आणि तीन षटकारांच्या मदतीने 32 चेंडूत 40 धावा केल्या.
05 Oct, 21:54 (IST)
भारतीय सलामीवीर रोहित शर्मा नेदेखील कसोटीत आपला आक्रमक खेळ दाखवायला सुरुवात केली. रोहितने डी पीटच्या षटकातील शेवटच्या तीन चेंडूंमध्ये तीन षटकार ठोकले. या कसोटीत रोहितचे 13 षटकार पूर्ण झाली आहेत. यासह रोहितने एक नवीन विश्वविक्रम आपल्या नावावर केला आहे. कसोटीमध्ये एका सामन्यात सर्वाधिक षटकार मारण्याचा विक्रम त्याने आपल्या नावावर केला.
05 Oct, 21:05 (IST)
टी ब्रेकनंतर फलंदाजीला येत फिलँडरच्या अखेरच्या चेंडूवर चेतेश्वर पुजारा 81 धावांवर एलबीडब्ल्यू झाला. पुजारा बाद झाल्यानंतर रवींद्र जडेजाला प्रोत्साहन देताना चौथ्या क्रमांकावर फलंदाजीसाठी पाठवले गेले आहे.
05 Oct, 20:26 (IST)
चौथ्या दिवशीच्या दुसऱ्या डावात, चहापर्यंत भारतीय संघाने 48 ओव्हरनंतर एक गडी गमावून 175 धावा केल्या आहेत. संघासाठी रोहित शर्मा 118 चेंडूत 7 चौकार आणि 4 षटकारांच्या मदतीने 84 धावांवर तर चेतेश्वर पुजारा 139 चेंडूत 13 चौकार आणि एका षटकारासह 75 धावांवर खेळत आहे.
05 Oct, 19:31 (IST)
टीम इंडियाचा टेस्ट एक्स्पर्ट चेतेश्वर पुजारा याने टेस्ट करिअर मधील 21 वे अर्धशतक पूर्ण केले आहे. पुजाराने 106 चेंडूत अर्धशतक केले. याआधी सलामीवीर रोहित शर्मानेदेखील अर्धशतक पूर्ण केले होते. रोहित सध्या धावांवर खेळत आहे.
05 Oct, 18:59 (IST)
विशाखापट्टणम येथे खेळल्या जाणार्‍या पहिल्या कसोटी सामन्याच्या दुसर्‍या डावात भारतीय संघाचा सलामीवीर रोहित शर्माने आपल्या कसोटी क्रिकेट कारकिर्दीचे 11 वे अर्धशतक पूर्ण केले आहे. रोहित सध्या 83 चेंडूत 3 चौकार आणि चार षटकारांसह 56 धावांवर खेळत आहेत.
05 Oct, 18:19 (IST)
दुसऱ्या डावात फलंदाजी करताना भारतीय संघाने 20 षटकांनंतर एक विकेट गमावून 52 धावा केल्या आहेत. संघासाठी रोहित शर्मा 52 चेंडूंत दोन चौकार आणि तीन षटकारांच्या मदतीने नाबाद 40 खेळत आहे. दुसरीकडे, चेतेश्वर पुजारा 37 बॉलमध्ये चार धावा करून त्याला साथ देत आहे.
05 Oct, 17:27 (IST)
चौथ्या दिवशी लंच घोषित होईपर्यंत भारतीय संघाने 14 षटकांनंतर एक गडी गमावून 35 धावा केल्या आहेत. संघासाठी रोहित शर्मा 25 तर चेतेश्वर पुजारा 2 धावा करत खेळत आहे. आहे. भारतासाठी पहिल्या डावात दुहेरी शतक करणारा मयंक अग्रवाल याला दुसर्‍या डावात सात धावा करता आल्या आणि केशव महाराज याच्या गोलंदाजीवर बाद झाला.
05 Oct, 16:40 (IST)
दक्षिण आफ्रिका संघाविरुद्ध दुसऱ्या डावात भारताने पहिली विकेट गमावली. केशव महाराज याने पहिल्या डावातील दुहेरी शतकवीर मयंक अग्रवाल याला 7 धावांवर माघारी धाडले. मयंकने पहिल्या डावात 215 केल्या होत्या.
05 Oct, 16:01 (IST)
भारतीय संघा विरुद्ध पहिल्या टेस्ट च्या चौथ्या दिवशी दक्षिण आफ्रिकी संघ 431धावांवर ऑल आऊट झाला. यासह टीम इंडियाला पहिल्या टेस्टमध्ये 71 धावांची आघाडी मिळाली आहे. अश्विनने 7 गडी बाद केले, जडेजाने 2 आणि इशांत शर्मा याला 1 विकेट मिळाली. अन्य कोणताही गोलंदाज यश मिळवू शकला नाही.
05 Oct, 15:29 (IST)
दक्षिण आफ्रिकाविरुद्ध पहिल्या टेस्ट च्या चौथ्या दिवशी रविचंद्रन अश्विन याने भारताला नववी विकेट मिळवून दिली. केशव महाराज 9 धावा करत आऊट झाला. अश्विनची यंदाची ही सहावी विकेट आहे. अश्विनला टेस्टमध्ये 350 विकेट्स पूर्ण करण्यासाठी अजून 1 विकेटची गरज आहे.
05 Oct, 15:17 (IST)
विशाखापट्टणम येथे भारत विरुद्ध दक्षिण आफ्रिका संघात पहिल्या टेस्टच्या चौथ्या दिवसाचा खेळ सुरु झाला आहे. केशव महाराज आणि सेन्युरन मुथुस्वामी सध्या अनुक्रमे नाबाद 9 आणि 15 धावांवर खेळत आहे. आफ्रिका अजून भारताच्या 108 धावा मागे आहे.
भारत (India) आणि दक्षिण आफ्रिका (South Africa) यांच्यातील पहिल्या टेस्ट सामन्याच्या तिसऱ्या दिवशी डीन एल्गार (Dean Algar) याच्या दीडशे धावांनी आफ्रिकी संघ मजबूत स्थितीत पोहचला आहे. सामन्याच्या दुसऱ्या दिवशी टीम इंडियाने 502 धावांवर पहिला डाव घोषित केला. त्यानंतर, अंतिम सत्रात एका पाठोपाठ गेलेल्या तीन विकेटनंतर बॅकफुटवर गेलेला आफ्रिकेचा संघ एल्गारच्या 160 धावांनी पुन्हा चांगल्या स्थितीत पोहचला. तिसऱ्या दिवसाखेर आफ्रिकेने 8 बाद 385 धावा केल्या. भारताकडे अजूनही 117 धावांची आघाडी आहे. दुसऱ्या दिवशी सर्वांच्या नजरा रविचंद्रन अश्विन (Ravichandran Ashwin) याच्यावर असणार आहे. आफ्रिकेच्या पहिल्या डावात अश्विनने 5 विकेट घेतल्या होत्या. आजही अश्विनने त्याच्या शानदार प्रदर्शन सुरु ठेवले तर तो टेस्टमध्ये सर्वात जलद 350 विकेट घेणार गोलंदाज बानू शकतो. यापूर्वी, श्रीलंकेच्या मुथय्या मुरलीधरन याने सर्वात जलद 350 टेस्ट विकेट्स घेण्याचा पराक्रम केला होता.
आफ्रिकाविरुद्ध तिसऱ्या दिवशी टीम इंडियाच्या गोलंदाजांना नियंत्रण ठेवता आले नाही आणि याचा फायदा उचलत एल्गार आणि कर्णधार फाफ डु प्लेसिस यांनी शतकी भागीदारी रचली आणि संघाचा डाव सावरला. त्यानंतर, अश्विनने फाफला 55 धावांवर बाद केले. त्यानंतर क्विंटन डी कॉक आणि एल्गर यांनी आक्रमक फलंदाजी करण्यास सुरुवात केली. एल्गारने यादरम्यान त्याने शतक आणि नंतर दीडशे धाव पूर्ण केल्या. एल्गर आणि डी कॉक यांनी 150 धांवांची भागिदारी केली. भारताला एका मोठ्या विकेटची गरज होती आणि रवींद्र जडेजा याने एल्गारच्या रूपात ती मिळवून दिली. एल्गर 18 चौकार, 4 षटकार लगावत 160 धावा करत बाद झाला. दरम्यान 2010 नंतर पहिल्यांदाच दक्षिण आफ्रिकेच्या फलंदाजानं भारतात कसोटीमध्ये शतकी खेळी केली आहे.
एल्गारला बाद करत जडेजाने आपल्या कसोटी करिअरमधल्या 200 विकेट पूर्ण केल्या. जडेजाने डाव्या हाताचा फिरकीपटू म्हणून केलेली ही केलेली कामगिरी ऐतिहासिक आहे. जडेजाने 44 सामन्यात 200 विकेट घेण्याची कामगिरी केली. दुसऱ्या दिवशी जडेजाने 2 विकेट घेतल्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)