वेलिंग्टनमध्ये सुरु असलेल्या पहिल्या कसोटी सामन्याच्या तिसऱ्या दिवसाचा खेळ संपला आहे. दिवसाच्या पहिल्या सत्रात यजमान न्यूझीलंड संघाला 348 धावांवर ऑलआऊट केल्यावर भारताने दुसऱ्या डावात फलंदाजी करत दिवसाखेर 4 विकेट गमावून 144 धाव केल्या. न्यूझीलंडच्या पहिल्या डावातील धावांच्या प्रत्युत्तरात भारतीय संघ अजून 39 धावांनी पिछाडीवर आहे. न्यूझीलंडकडून ट्रेंट बोल्ट 3, टिम साऊथी ने 1 विकेट घेऊन भारताच्या अडचणीत वाढ करत राहिले. दिवसाखेर अजिंक्य रहाणे 25 आणि हनुमा विहारी नाबाद 11 धावा करून खेळत आहेत.
Live
IND vs NZ 1st Test Day 3 Highlights: तिसर्‍या दिवशी भारताने दुसर्‍या डावात केल्या 144/4, न्यूझीलंडला 39 धावांची आघाडी
भारत आणि न्यूझीलंड यांच्यातील पहिला कसोटी सामना महत्त्वपूर्ण वळणावर पोहोचला आहे. सामन्याच्या दुसर्‍या दिवशी यजमान न्यूझीलंडने भारतावर पहिल्या डावात आघाडी घेतली आहे, पण टीम इंडियाच्या पुनरागमनच्या आशा अजूनही कायम आहेत.
23 Feb, 17:37 (IST)
23 Feb, 16:07 (IST)
46 व्या ओव्हरच्या दुसऱ्या चेंडूवर ट्रेंट बोल्टने भारतीय कर्णधार विराट कोहली विकेटकीपर बीजे वॅटलिंगकडे कॅच आऊट करत भारताला मोठा धक्का दिला. कोहली पुन्हा एकदा स्वस्तात बाद झाला. पहिल्या डावात दोन धावा करणारा विराट दुसऱ्या डावात 19 धावत करू शकला.
23 Feb, 15:51 (IST)
दुसऱ्या डावात फलंदाजी करत भारताने 42 ओव्हरपर्यंत 100 धावा पूर्ण केल्या असून विराट कोहली 17 आणि अजिंक्य रहाणे 4 धावा करून खेळत आहे. न्यूझीलंडच्या पहिल्या डावाच्या प्रत्युत्तरात भारत अजून 78 धावा मागे आहे.
23 Feb, 15:36 (IST)
सिम साउथीने चहाच्या वेळेनंतर भारताला तिसरा धक्का दिला. साउथीने 39 व्या ओव्हरच्या चौथ्या चेंडूवर भारतीय सलामी फलंदाज मयंक अग्रवालला विकेटकीपर बीजे वॅटलिंगकडे कॅच आऊट केले. दुसऱ्या डावात मयंक 99 चेंडूत 58 धावा करून बाद झाला.
23 Feb, 14:47 (IST)
वेलिंग्टनमध्ये चहाची वेळ झाली आहे. दुपारच्या जेवणापर्यंत यजमान न्यूझीलंडला 348 धावांवर ऑलआऊट केल्यावर भारताने दुसऱ्या डावात फलंदाजी करत चहाच्या वेळेपर्यंत 2 विकेट गमावून 78 धावा केल्या. भारताकडून सध्या मयंक अग्रवाल 51 आणि विराट कोहली 0 धावा करून खेळत आहेत. चहाच्या वेळेपर्यंत भारत न्यूझीलंडच्या 105 धावा मागे आहे.
23 Feb, 14:45 (IST)
चहाच्या वेळेआधी न्यूझीलंडचा वेगवान गोलंदाज ट्रेंट बोल्टने भारताला दुसरा झटका दिला. बोल्टने 32 व्या ओव्हरच्या अखेरच्या चेंडूवर चेतेश्वर पुजाराला 11 धावांवर बोल्ड केले.
23 Feb, 14:29 (IST)
न्यूझीलंडविरुद्ध दुसऱ्या डावात फलंदाजी करण्यासाठी आलेल्या भारतीय सलामी फलंदाज मयंक अग्रवाल ने कसोटी कारकिर्दीतील 4 थे अर्धशतक ठोकले. मयंकने 75 चेंडूत 6 चौकार आणि एका षटकाराच्या मदतीने अर्धशतक पूर्ण केले.
23 Feb, 14:13 (IST)
भारत-न्यूझीलंड दरम्यान वेलिंग्टनटेस्ट सामन्याच्या दुसर्‍या डावात भारतीय संघाने एका विकेट गमावून भारताने 51 धावा केल्या आहेत. संघासाठी सलामीवीर मयंक अग्रवाल 54 चेंडूत तीन चौकारांसह 30 आणि चेतेश्वर पुजारा 40 चेंडूत 6 धावा ठोकत आहेत.
23 Feb, 14:00 (IST)
दुसऱ्या डावात फलंदाजीसाठी आलेल्या टीम इंडियाने चांगली सुरुवात केली आहे. पहिल्या 20 ओव्हरमध्ये त्यांनी पृथ्वी शॉ ची पहिली विकेट गमावून 47 धावा केल्या आहेत. मयंक अग्रवाल 30 आणि चेतेश्वर पुजारा 6 धावा करून खेळत आहेत. टीम इंडिया न्यूझीलंडच्या अजून 132 धावांनी पिछाडीवर आहे.
23 Feb, 12:59 (IST)
दुसऱ्या डावात फलंदाजीला आलेल्या भारताला ट्रेंट बोल्ट ने पहिला झटका दिला. आठव्या ओव्हरच्या चौथ्या चेंडूवर बोल्टने सलामी फलंदाज पृथ्वी शॉ ला टॉम लाथमकडे कॅच आऊट केले. दुसऱ्या डावात पृथ्वी ने 14 धावा केल्या.
23 Feb, 11:47 (IST)
भारत-न्यूझीलंडमधील तिसऱ्या दिवसाचा खेळ सुरु झाला आहे. तिसऱ्या दिवशीच्या दुपारच्या जेवणाच्या काही वेळापूर्वी भारतीय गोलंदाजांनी न्यूझीलंडला पहिल्या डावात 348 धावांवर ऑलआऊट केले. पहिल्या डावाच्या आधारावर यजमान किवी टीमने भारतावर 183 धावांची आघाडी घेतली आहे. भारताकडून इशांत शर्मा ने सर्वाधिक 5 विकेट्स घेतल्या. तिसऱ्या दिवशी कॉलिन डी ग्रैंडहोम 43 आणि काइल जैमीसन ने 44 धावा केल्या. दोघांनी महत्वपूर्ण भागीदारी करत न्यूझीलंडची आघाडी 100 च्या पार नेली.
23 Feb, 11:26 (IST)
न्यूझीलंडचा अष्टपैलू खेळाडू कॉलिन डी ग्रैंडहोम पहिल्या डावात 43 धावा करून रविचंद्रन अश्विनचा शिकार बनला. डी ग्रैंडहोमने आपल्या खेळीदरम्यान 74 चेंडूंचा सामना करताना 5 चौकार ठोकले.
23 Feb, 11:03 (IST)
रविचंद्र अश्विनने भारताला आठवे यश मिळवत न्यूझीलंडला मोठा धक्का दिला. आतंरराष्ट्रीय टेस्टमध्ये पदार्पण करणाऱ्या काईल जैमीसनला अश्विनने 44 धावांवर हनुमा विहारीकडे कॅच आऊट केले.
23 Feb, 10:52 (IST)
भारत विरुद्ध न्यूझीलंड यांच्यातील पहिल्या कसोटी सामन्यात किवी संघाने तिसर्‍या दिवशी ड्रिंक्स ब्रेकपर्यंत सात गडी गमावून 263 धावा केल्या.कॉलिन डी ग्रैंडहोम 27 आणि काईल जैमीसन 17 धावांवर नाबाद खेळतआहेत. न्यूझीलंडने आतापर्यंत भारताकडे 98 धावांची आघाडी घेतली आहे.
23 Feb, 10:30 (IST)
न्यूझीलंडच्या संघाने पहिल्या डावात सात गडी राखून 250 धावा पूर्ण केल्या आहेत. संघासाठी कॉलिन डी ग्रैंडहोम 17 आणि काइल जैमीसन 15 धावा करून खेळत आहेत. किवी खेळाडूंची सध्या भारतावर 85 धावांची आघाडी आहे.
23 Feb, 09:49 (IST)
इशांत शर्माने भारताला सातवे यश मिळवून दिले आहे. इशांतने 75 व्या ओव्हरच्या तिसऱ्या चेंडूवर किवी गोलंदाज टीम साऊथीला मोहम्मद शमीकडे बाउंड्री लाईनवर कॅच केले. साऊथी 6 धावा करून माघारी परतला.
23 Feb, 09:32 (IST)
भारत-न्यूझीलंडमधील तिसऱ्या दिवसाचा खेळ सुरु झाला आहे आणि जसप्रीत बुमराहने भारताला पहिल्याच चेंडूवर विकेट मिळवून दिली. बुमराहने किवी फलंदाज बीजे वॅटलिंगला विकेटकीपर रिषभ पंतकडे कॅच आऊट केले. वॅटलिंग 30 चेंडूत 14 धावा करून बाद झाला.
भारत (India) आणि न्यूझीलंड (New Zealand) यांच्यातील पहिला कसोटी सामना महत्त्वपूर्ण वळणावर पोहोचला आहे. सामन्याच्या दुसर्‍या दिवशी यजमान न्यूझीलंडने भारतावर पहिल्या डावात आघाडी घेतली आहे, पण टीम इंडियाच्या पुनरागमनच्या आशा अजूनही कायम आहेत. आता सामन्याच्या तिसर्‍या दिवशी म्हणजे रविवारी पहिले सत्र महत्त्वाचे ठरेल. जर भारतीय संघाने (Indian Team) या सत्रात चांगली कामगिरी बजावली तर सामन्यात त्यांच्या विजयाची शक्यता बनते. आणि रविवारी जर पहिल्या दोन तासांत न्यूझीलंडने चांगला खेळ केला तर त्यांची सामन्यावरील पकड आणखी घट्ट होईल. भारत आणि न्यूझीलंड यांच्यात शुक्रवारी पहिला कसोटी सामना सुरू झाला. हा सामना वेलिंग्टनमध्ये खेळला जात आहे.
सामन्याच्या दुसर्‍या दिवशी 165 धावा करुन भारतीय संघ ऑलआऊट झाला. प्रत्युत्तरात न्यूझीलंडने दिवसाचा खेळ संपेपर्यंत 5 विकेट गमावून 216 धावा केल्या. अशाप्रकारे, त्यांना भारतावर 51 धावांची आघाडी मिळाली आहे. त्यांच्याकडून कर्णधार केन विल्यमसनने 89 धावांची शानदार खेळी केली. भारताकडून अजिंक्य रहाणे याने सर्वाधिक धावा केल्या. मयंक अग्रवालने 34 धावांचा डाव खेळला. या दोघांशिवाय अन्य कोणताही भारतीय 25 धावांचा टप्पा ओलांडू शकला नाही. संघातील सहा फलंदाज दहाचा आकडाही स्पर्श करु शकले नाहीत. न्यूझीलंडकडून टीम साऊथी आणि काईल जैमीसनने प्रत्येकी 4-4 गडी बाद केले. ट्रेंट बोल्टला 1 विकेट मिळाली. रिषभ पंत रनआऊट झाला. (सामन्याचा लाईव्ह स्कोअर पाहण्यासाठी येथे क्लिक करा)
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)