IND vs NZ ICC World Cup 2023: भारत आणि न्यूझीलंडमध्ये होणार चुरशीची लढत, जाणून घ्या धर्मशालामध्ये कसा आहे भारताचा रेकाॅर्ड
सध्या सुरू असलेल्या मेगा टूर्नामेंटमध्ये भारत आणि न्यूझीलंडचे संघ अपराजित राहिले आहेत, त्यामुळे दोन्ही संघांमध्ये चुरशीचा सामना पाहायला मिळणार आहे. या सामन्यातील विजयी संघ उपांत्य फेरीच्या दिशेने आणखी एक पाऊल टाकेल.
भारत आणि न्यूझीलंड (IND vs NZ) यांच्यात चालू असलेल्या आयसीसी एकदिवसीय विश्वचषक 2023 चा 21 वा सामना (ICC Cricket World Cup 2023) धर्ममाला येथील हिमाचल प्रदेश क्रिकेट असोसिएशन स्टेडियमवर खेळवला जाईल. सध्या सुरू असलेल्या मेगा टूर्नामेंटमध्ये भारत आणि न्यूझीलंडचे संघ अपराजित राहिले आहेत, त्यामुळे दोन्ही संघांमध्ये चुरशीचा सामना पाहायला मिळणार आहे. या सामन्यातील विजयी संघ उपांत्य फेरीच्या दिशेने आणखी एक पाऊल टाकेल. भारत आणि न्यूझीलंड यांच्यातील सामना धर्मशाला येथे दुपारी 2.00 वाजता सुरू होईल. मात्र, या मैदानावर भारताची कामगिरी संमिश्र झाली आहे. (हे देखील वाचा: IND vs NZ ICC World Cup 2023 Pitch Report: धर्मशालामध्ये कोण ठरणार वरचढ गोलंदाज की फलंदाज? जाणून घ्या खेळपट्टीचा अहवाल)
टीम इंडियाची कशी आहे कामगिरी
या सुंदर स्टेडियममध्ये भारताने आतापर्यंत चार एकदिवसीय सामने खेळले आहेत, त्यापैकी दोन जिंकले आणि दोन गमावले. भारताने ऑक्टोबर 2016 मध्ये या मैदानावर न्यूझीलंडविरुद्धचा एकमेव सामना सहा गडी राखून जिंकला होता, ज्यामुळे विश्वचषक सामन्यापूर्वी यजमान संघाचे मनोबल उंचावले होते. मात्र, आयसीसी विश्वचषकात न्यूझीलंडने भारतावर वर्चस्व राखले आहे. दोघांमध्ये झालेल्या नऊ सामन्यांपैकी न्यूझीलंडने पाच जिंकले, तर भारताने तीन जिंकले आणि एक सामना अनिर्णित राहिला. जानेवारी 2013 मध्ये या मैदानावर झालेल्या पहिल्या सामन्यात भारताला इंग्लंडविरुद्ध सात गडी राखून पराभव स्वीकारावा लागला होता, तर डिसेंबर 2017 मध्ये झालेल्या शेवटच्या सामन्यात श्रीलंकेने त्याच फरकाने पराभव केला होता.
भारताची संभाव्य प्लेइंग 11: रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (विकेटकीपर), सूर्यकुमार यादव, रवींद्र जडेजा, कुलदीप यादव, जसप्रीत बुमराह, मोहम्मद सिराज, मोहम्मद शमी.
न्यूझीलंडची संभाव्य प्लेइंग 11: डेव्हॉन कॉनवे, विल यंग, रचिन रवींद्र, टॉम लॅथम (कर्णधार आणि विकेटकीपर), डॅरिल मिशेल, ग्लेन फिलिप्स, मार्क चॅपमन, मिचेल सँटनर, मॅट हेन्री, लॉकी फर्ग्युसन, ट्रेंट बोल्ट.