IND vs NZ (Photo Credit - Twitter)

भारत आणि न्यूझीलंड (IND vs NZ) यांच्यातील तीन टी-20 सामन्यांच्या (T20 Series) मालिकेला शुक्रवारपासून (18 नोव्हेंबर) सुरुवात होणार आहे. वेलिंग्टनमध्ये दोन्ही संघ आमनेसामने येणार आहेत. टी-20 विश्वचषकात दोन्ही संघ उपांत्य फेरीत बाहेर पडले होते. भारताला इंग्लंडविरुद्ध आणि न्यूझीलंडविरुद्ध पाकिस्तानविरुद्ध पराभवाला सामोरे जावे लागले. टीम इंडिया आणि किवी टीम तो पराभव विसरून नव्याने सुरुवात करतील. या संघाते नेतृत्व हार्दिक पांड्याकडे (Hardik Pandya) सोपवण्यात आले आहे. पंड्याने आयपीएलमध्ये गुजरात टायटन्सची कमान हाती घेतली आहे. त्याने पहिल्याच सत्रात संघाला चॅम्पियन बनवले. त्यानंतर त्याला भारताचे कर्णधारपदाची संधी मिळाली. हार्दिकच्या नेतृत्वाखाली टीम इंडियाने आयर्लंडकडून दोन सामन्यांची टी-2- मालिका 2-0 ने जिंकली. हार्दिक प्रथमच आंतरराष्ट्रीय स्तरावर मोठ्या संघाविरुद्ध कर्णधारपद भूषवणार आहे. (IND vs NZ 1st T20 Live Streaming Online)

भारत आणि न्यूझीलंडचा सामना कधी आणि कुठे होणार आहे?

भारत आणि न्यूझीलंड यांच्यात 18 नोव्हेंबरला म्हणजेच शुक्रवारी सामना होणार आहे. हा सामना वेलिंग्टन येथे होणार आहे.

भारत विरुद्ध न्यूझीलंड सामना कधी सुरू होईल?

भारत आणि न्यूझीलंड सामना भारतीय वेळेनुसार दुपारी 12.00 वाजता आहे. सकाळी 11.30 वाजता नाणेफेक होईल. (हे देखील वाचा: IND vs NZ T20I Head to Head: हार्दिक पांड्याच्या नेतृत्वात भारतीय युवा संघ उतरणार मैदानात, जाणून घ्या हेड टू हेड आकडेवारी)

सामना कोणत्या टीव्ही चॅनलवर प्रसारित होईल?

डीडी स्पोर्ट्सकडे न्यूझीलंड दौऱ्यावर भारताचे टी-20 सामने प्रसारित करण्याचे अधिकार आहेत. तुम्ही सामन्याचा विनामूल्य आनंद घेऊ शकता.

फोन किंवा लॅपटॉपवर लाईव्ह मॅच कशी बघायची?

भारतातील Amazon Prime Video अॅपवर या सामन्याचे लाईव्ह-स्ट्रीमिंग पाहता येईल.