Ravichandran Ashwin याच्यासाठी टी-20 व वनडेमध्ये टीम इंडियाचे दार कायमचे बंद? फिरकीपटूच्या कमबॅकवर संतप्त Virat Kohli याने दिली अशी प्रतिक्रिया

Ashwin Limited Overs Comeback: भारताचा स्टार ऑफस्पिनर रविचंद्रन अश्विन (Ravichandran Ashwin) कसोटी क्रिकेटमध्ये भारतासाठी अभूतपूर्व कामगिरी करत आहे. इंग्लंडविरुद्ध (England) नुकत्याच संपुष्टात आलेल्या चार कसोटी सामन्यांच्या मालिकेत अश्विनने चार कसोटी सामन्यांत 32 विकेट घेतल्या. अश्विनच्या कसोटी मालिकेतल्या शानदार फॉर्ममुळे क्रिकेट चाहत्यांना पुन्हा मर्यादित ओव्हरमध्ये कमबॅकच्या आशा पल्लवित झाल्या आहेत. त्याने 111 एकदिवसीय सामने आणि 46 आंतरराष्ट्रीय टी-20 सामन्यांमध्ये अनुक्रमे 150 आणि 52 विकेट्ससह भारताचे (Indian Team) प्रतिनिधित्व केले आहे. तथापि, अनुभवी फिरकीपटू 2017 नंतर टीम इंडियाच्या (Team India) निळ्या जर्सीत दिसलेला नाही. इंग्लंड विरुद्ध पाच सामन्यांच्या टी-20 मालिकेपूर्वी टीम इंडियाचा कर्णधार विराट कोहलीला (Virat Kohli) मर्यादित षटकांच्या स्वरूपात रवि अश्विनच्या संभाव्य पुनरागमनविषयी विचारले गेले. या प्रश्नावर प्रतिक्रिया देताना कोहलीने ठामपणे सांगितले की, अश्विनला लहान फॉर्मेट खेळणे शक्य नाही. (IND vs ENG 1st T20I: पहिल्या टी-20 सामन्यात रोहित शर्मासह ‘हा’ खेळाडू करणार ओपनिंग, विराट कोहलीने केली पुष्टी)

वॉशिंग्टन सुंदरने यापूर्वी बॉलद्वारे कौतुकास्पद कामगिरी बजावली आहे आणि प्लेइंग इलेव्हनमध्ये एका प्रकारचे खेळाडू खेळणे कठीण आहे, असे कोहलीने ठामपणे सांगितले. “वॉशिंग्टन सुंदर आमच्यासाठी खरोखर चांगले काम करत आहे आणि दोन सामना खेळाडू असणे कठीण आहे. जोपर्यंत वाशीचा जोरदार कामगिरी करत आहे (शक्य नाही)…. आपल्याला प्रश्नात काही तर्कसंगत असणे आवश्यक आहे. विचारायला सुलभ आहे,” कोहली सामन्यापूर्वीच्या प्रेसरमध्ये म्हणाला. वरुण चक्रवर्ती याच्या प्रश्नावर टीम इंडियाच्या कर्णधाराने स्पष्ट केले की फिटनेसबाबत कोणतीही तडजोड केली जाणार नाही. “प्रत्येकाने हे समजून घेतले पाहिजे की आम्ही भारतीय संघाची व्यवस्था तयार केली आहे. सर्व याचे अनुसरण करेल अशी आशा आहे. यामध्ये तडजोडीला वाव नाही.” यापूर्वी, विराट कोहली म्हणाला की, केएल राहुल पहिल्या टी-20 सामन्यात रोहित शर्माबरोबर सलामीला जाताना दिसणार असून शिखर धवन तिसरा ओपनर असेल.

सुंदरच्या कामगिरीबद्दल बोलायचे तर 21 वर्षीय अष्टपैलूने 2017 मध्ये ऑस्ट्रेलियाविरुद्ध टी-20 पदार्पण केले आणि इंग्लंडविरुद्ध नुकत्याच कसोटी मालिकेदरम्यान 85 आणि 96 च्या नाबाद धावांच्या खेळीसह फलंदाजीने प्रभाव पाडला. 2017 मध्ये पदार्पण केल्यापासून फिरकी गोलंदाजाने आयपीएलमध्येही स्वतःचा एक ठसा उमटविला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)