T20 World Cup 2022: बाबर आझमची इच्छा असेल तर मी विश्वचषक खेळण्यास तयार आहे - शोएब मलिक

पाकिस्तानचा वरिष्ठ अष्टपैलू खेळाडू शोएब मलिक (Shoaib Malik) पुन्हा एकदा टी-20 विश्वचषकात पाकिस्तानकडून (PAK) खेळण्यासाठी सज्ज झाला आहे. मात्र, पाकिस्तानच्या T20 विश्वचषक संघात मलिकची निवड झालेली नाही. यावर निराशा व्यक्त करताना तो म्हणाला की, जर पाकिस्तान संघ व्यवस्थापनाने मला आगामी विश्वचषकात खेळण्यास सांगितले असते, तर मी तयार आहे आणि नक्कीच हो म्हणेन. क्रिकेट पाकिस्तानला दिलेल्या मुलाखतीत या माजी कर्णधाराने हे सांगितले आहे. गेल्या विश्वचषकादरम्यान याबाबत बाबर आझमशी (Babar Azam) बोललो होतो, असे मलिकने सांगितले. हा अष्टपैलू खेळाडू म्हणाला, 'त्याने (बाबर आझम) मला मागच्या विश्वचषकादरम्यान विचारले होते की मला आणखी खेळायचे आहे की निवृत्ती घ्यायची आहे. तेव्हा मी त्याला सांगितले की मला आता खेळायचे नाही.

त्याच्या फॉर्म आणि फिटनेस यावर बोलताना तो म्हणाला, 'मी तेव्हा बाबरला स्पष्ट केले होते की मला संघावर ओझे बनायचे नाही. पण जर त्याला मला खेळायचे असेल तर मी खेळेन. मी पाकिस्तानकडून खेळण्यासाठी नेहमीच तयार असतो आणि अजूनही तयार आहे. तो पुढे म्हणाला, 'मी बाबरला विचारले होते की, जर माझी काही मालिका किंवा काही सामन्यांसाठी निवड झाली, तर तो माझ्याशी त्याबाबत बोलु शकतो, इतर कोणाशी नाही. जर तुम्हाला वाटत असेल की मी खेळू शकेन तर मी तयार आहे. (हे देखील वाचा: PAK vs ENG T20: वसीम अक्रमने पाकिस्तानच्या संघाला फटकारले, म्हणाला...)

बाबरचे कौतुक करताना मलिक म्हणाला की, मी बांगलादेशविरुद्धच्या मालिकेचा भाग असेल आणि वेस्ट इंडिज मालिकेदरम्यान विश्रांती घेईन. कर्णधार म्हणून तो माझ्याशी बोलला हे मला आवडले. शोएब मलिक सध्या पाकिस्तानमध्ये डोमेस्टिक क्रिकेट खेळत आहे. येथे त्याने मध्य पंजाबकडून टी-20 फॉरमॅटमध्ये खेळताना अनेक महत्त्वपूर्ण खेळी खेळल्या आहेत. फॉर्मसोबतच त्याचा फिटनेसही शानदार आहे. त्यामुळे या अनुभवी खेळाडूला विश्वचषक संघाचा भाग बनवण्याबाबत काही तज्ज्ञ बोलत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)