ICC World Test Championship च्या अंतिम फेरीत पोहोचण्यासाठी भारताला आता किती सामने जिंकावे लागतील? एका क्लिकवर समजून घ्या समीकरण

ICC World Test Championship 2023-25:  भारत आणि बांगलादेश यांच्यात दोन कसोटी (IND vs BAN Test Series 2024) सामन्यांची मालिका खेळवली जात आहे. मालिकेतील पहिल्या सामन्यात टीम इंडियाने बांगलादेशचा 280 धावांच्या मोठ्या फरकाने पराभव (IND Beat BAN) केला आहे. या विजयासह टीम इंडियाने (Team India) वर्ल्ड टेस्ट चॅम्पियनशिपच्या अंतिम (ICC World Test Championship Final) सामन्यावरील आपला दावा आणखी मजबूत केला आहे. वर्ल्ड टेस्ट चॅम्पियनशिपच्या फायनल मॅचमध्ये पोहोचण्यासाठी टीम इंडियाला किती मॅचेस जिंकावे लागतील हे या रिपोर्टमध्ये सांगू. (हे देखील वाचा: India Squad For 2nd Test Kanpur: चेन्नईतील विजयानंतर लगेचच दुसऱ्या कसोटीसाठी टीम इंडियाची घोषणा, 'या' खेळाडूंना मिळाली संधी)

आता टीम इंडियाला किती सामने जिंकायचे आहेत?

आयसीसीच्या अहवालानुसार भारताला आता पुढील 9 पैकी किमान 6 सामने जिंकावे लागतील. यामध्ये भारत बांगलादेशविरुद्ध 1 आणि न्यूझीलंडविरुद्ध 3 कसोटी सामना त्यांच्या घरच्या मैदानावर खेळणार आहे. तर, संघाला 5 सामने परदेशी भूमीत म्हणजे ऑस्ट्रेलियात खेळायचे आहेत. अंतिम फेरीत पोहोचण्यासाठी भारताला आयसीसी जागतिक कसोटी चॅम्पियनशिपच्या गुणतालिकेत अव्वल-2 मध्ये असणे आवश्यक आहे. भारताने 5 सामने जिंकले आणि 1 सामना अनिर्णित राहिला तरीही संघाला अंतिम फेरीचे तिकीट मिळेल.

WTC पॉइंट टेबलवर भारताची पकड मजबूत

जागतिक कसोटी चॅम्पियनशिप 2023-25 ​​च्या पॉइंट टेबलवर भारताची पकड मजबूत झाली आहे. बांगलादेशविरुद्धच्या विजयानंतर भारतीय क्रिकेट संघाने 86 रेटिंग गुण मिळवले आहेत. 71.67 च्या या विजयाच्या टक्केवारीसह टीम इंडिया आघाडीवर आहे. आतापर्यंत भारताने वेस्ट इंडिजचा 1-0 ने तर इंग्लंडचा 4-1 ने पराभव केला होता. आता टीम इंडियाने बांगलादेशला 2 कसोटी सामन्यांच्या मालिकेत 1-0 ने पराभूत करून आघाडी घेतली आहे. टीम इंडियाला सध्या बांगलादेशविरुद्ध 1, न्यूझीलंडविरुद्ध 3 आणि ऑस्ट्रेलियाविरुद्ध 5 कसोटी सामना खेळायचा आहे. टीम इंडियाने आतापर्यंत फक्त दक्षिण आफ्रिकेसोबत 1-1 अशी बरोबरी साधली आहे. टीम इंडियाने या मोसमात एकही कसोटी मालिका गमावलेली नाही.

इतर संघांची काय आहे स्थिती?

आयसीसी वर्ल्ड टेस्ट चॅम्पियनशिप 2023-25 च्या पॉइंट टेबलमध्ये ऑस्ट्रेलिया दुसऱ्या स्थानावर आहे. अंतिम फेरी गाठण्यासाठी ऑस्ट्रेलियाला 4 सामने जिंकावे लागतील किंवा 3 सामने जिंकावे लागतील आणि 1 सामना अनिर्णित ठेवावा लागेल. त्याचबरोबर न्यूझीलंड क्रिकेट संघ तिसऱ्या स्थानावर आहे, ज्याचे 8 सामने बाकी आहेत. अंतिम फेरी गाठण्यासाठी न्यूझीलंडला 6 सामने जिंकावे लागतील किंवा 5 सामने जिंकावे लागतील आणि 1 अनिर्णित ठेवावा लागेल.