Virat Kohli Stats Againts Bangladesh In Test: बांगलादेशविरुद्धच्या कसोटी क्रिकेटमध्ये 'किंग कोहली'ची अशी आहे कामगिरी, येथे पाहा 'विराट' आकडेवारी

India National Cricket Team vs Bangladesh National Cricket Team Match: भारतीय राष्ट्रीय क्रिकेट संघ आणि बांगलादेश राष्ट्रीय क्रिकेट संघ यांच्यात दोन सामन्यांच्या कसोटी मालिकेतील पहिला सामना चेन्नई येथे खेळला गेला. पहिल्या कसोटीत टीम इंडियाने बांगलादेशचा 280 धावांनी पराभव केला आहे. यासह टीम इंडियाने मालिकेत 1-0 अशी आघाडी घेतली आहे. मालिकेतील दुसरा सामना 27 सप्टेंबरपासून कानपूरच्या ग्रीन पार्क स्टेडियमवर खेळवला जाणार आहे. या सामन्यासाठी टीम इंडियाची घोषणा करण्यात आली आहे. बांगलादेशचा क्लीन स्वीप करण्याच्या इराद्याने टीम इंडिया आता कानपूरला पोहोचली आहे. पहिल्या कसोटीत विराट कोहलीची (Virat Kohli) बॅट नि:शब्द झाली होती. अशा परिस्थितीत बांगलादेशविरुद्धच्या कसोटी क्रिकेटमधील विराट कोहलीच्या आकडेवारीवर एक नजर टाकूया...

बांगलादेशविरुद्ध विराट कोहलीची अशी आहे कामगिरी 

'रन मशीन' म्हणून प्रसिद्ध असलेल्या विराट कोहलीने 2015 साली बांगलादेशविरुद्ध पहिला कसोटी सामना खेळला होता. विराट कोहलीने बांगलादेशविरुद्ध आतापर्यंत 7 कसोटी सामने खेळले आहेत. या कालावधीत विराट कोहलीने 11 डावात एकदा नाबाद राहताना 460 धावा केल्या आहेत. विराट कोहलीची सरासरी 54.62 आहे. विराट कोहलीने बांगलादेशविरुद्ध 2 शतकी खेळी खेळली आहे. दरम्यान, विराट कोहलीची सर्वोत्तम धावसंख्या 204 धावा आहे. कसोटी क्रिकेटमध्ये विराट कोहली एकदा बांगलादेशविरुद्ध खातेही न उघडता पॅव्हेलियनमध्ये परतला आहे.

विराट कोहली 8 वर्षांनंतर कानपूरमध्ये कसोटी सामना खेळणार

टीम इंडियाचा सुपरस्टार फलंदाज विराट कोहली 8 वर्षांनंतर कानपूरच्या मैदानावर कसोटी सामना खेळताना दिसणार आहे. विराट कोहलीने 2016 मध्ये न्यूझीलंडविरुद्ध कानपूरच्या मैदानावर शेवटचा कसोटी सामना खेळला होता. विराट कोहलीने कानपूरच्या मैदानावर फक्त एकच कसोटी सामना खेळला आहे, ज्यामध्ये त्याने 9 आणि 18 धावांची खेळी खेळली आहे. (हे देखील वाचा: ICC Test Ranking: आयसीसी क्रमवारीत मोठी उलथापालथ, रोहित शर्मा आणि विराट कोहलीचे मोठे नुकसान; जैस्वालची 'यशस्वी' झेप)

अशी आहेत भारतीय भूमीवर विराट कोहलीचे आकडे

टीम इंडियाचा महान फलंदाज विराट कोहलीने 2011 साली भारतीय भूमीवर पहिला कसोटी सामना खेळला होता. विराट कोहलीने भारतीय भूमीवर आतापर्यंत 51 कसोटी सामने खेळले आहेत. विराट कोहलीने 60.05 च्या सरासरीने 4,167 धावा केल्या आहेत तर 79 डावात 8 वेळा नाबाद राहिले आहेत. विराट कोहलीने भारतीय भूमीवर 14 शतके आणि 12 अर्धशतके झळकावली आहेत. दरम्यान, विराट कोहलीची येथे सर्वोत्तम धावसंख्या म्हणजे नाबाद 254 धावा आहेत.

'किंग' कोहलीच्या कसोटी कारकिर्दीवर एक नजर

'किंग' कोहलीने 2011 मध्ये वेस्ट इंडिजविरुद्ध पहिला कसोटी सामना खेळला होता. विराट कोहलीने टीम इंडियासाठी आतापर्यंत 114 सामने खेळले आहेत. 193 डावात 11 वेळा नाबाद राहिलेल्या विराट कोहलीने 8,871 धावा केल्या आहेत. विराट कोहलीची सरासरी 49.15 आहे. या कालावधीत विराट कोहलीने 29 शतके आणि 30 अर्धशतके केली आहेत. विराट कोहलीची सर्वोत्तम धावसंख्या म्हणजे नाबाद 254 धावा. विराट कोहली कसोटी क्रिकेटमध्ये 1000 चौकार पूर्ण करण्यापासून फक्त 7 चौकार दूर आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)