एमएस धोनीचं 'सर्वोत्तम फिनिशर' म्हणून फाफ डु प्लेसिसने केलं कौतुक, IPL मधील 'कॅप्टन कूल चा 'हा' डाव सर्वात आवडता

दक्षिण आफ्रिका आणि चेन्नई सुपर किंग्जचा (Chennai Super Kings) फलंदाज फाफ डू प्लेसिसने (Faf du Plessis) खुलासा केला की एमएस धोनीने (MS Dhoni) मागील आवृत्तीत रॉयल चॅलेंजर्स बंगळुरू (Royal Challengers Bangalore) विरुद्ध 84 धावांची नाबाद खेळी आणि 2013 मध्ये किंग्ज इलेव्हन पंजाबविरुद्ध सुरेश रैनाची शतकी लोकप्रिय टी-20 स्पर्धेतील सर्वात आवाढती आठवण आहे. संघातील सहकारी रैनाने #MyIPLmoment च्या हॅशटॅगअंतर्गत नामांकन केल्यावर प्लेसिसने त्याची स्पर्धेतील आवडती आठवण शेअर केली. इंडियन प्रीमिअर लीग (आयपीएल) 2020 सध्या अनिश्चित काळासाठी स्थगित करण्यात आले आहे. यादरम्यान, क्रिकेटपटू ऑनलाईन माध्यमातून लाईव्ह चॅट करत आहे, तर अनेक क्रिकेटपटू त्यांच्या चाहत्यांच्या प्रश्नांची उत्तरे देत आहेत. आणि आता चेन्नई सुपर किंग्स खेळाडूंसाठी #MyIPLmoment च सत्र चालवत आहे. (IPL 2020 अनिश्चित काळासाठी स्थगित; एमएस धोनीचे पुनरागमनही लांबणीवर, BCCI अधिकाऱ्याने केली पुष्टी)

“आता जवळपास 10 वर्षांपासून संघाचा भाग होण्यासाठी भाग्यवान समजतो. दोन आयपीएल, दोन किंवा तीन चॅम्पियन्स लीग आणि काही अविश्वसनीय खेळ अश्या बऱ्याच काही अविश्वसनीय आठवणी आहेत. मी काही चमकदार वैयक्तिक डाव आठवण्याचा प्रयत्न करीत आहे आणि माझी स्मरणशक्ती चांगली नाही त्यामुळे कदाचित इथून थोडा वेळ लागेल त्यामुळे मला माफ करा," प्लेसिसने सीएसकेच्या अधिकृत ट्विटरवर पोस्ट केलेल्या व्हिडिओत म्हटले. त्यानंतर त्याने धोनीचा सर्वोत्तम 'फिनिशर' म्हणून उल्लेख केला आणि आरसीबीविरुद्ध नाबाद 84 धावांचा डाव सर्वात आवडता असल्याचे म्हटले.

"त्यापैकी बर्‍याच गोष्टी घडल्या आहेत पण मी माझ्या आठवणीत ताजे आहे. मागील वर्षी आरसीबीच्या विरोधात. आम्ही 60 धावांवर सहा का साथ विकेट गमावल्या होत्या आणि मुळात आम्ही 90 धावांवर बाद व्हायला पाहिजे होती. तो त्या क्षणी आला आणि दबाव चांगला आत्मसात केला. मग त्याने अधिकाधिक षटकार मारण्यास सुरवात केली. तो मारत असलेले षटकार स्टेडियमच्या बाहेर जात होते. अखेरीस त्याने 40 चेंडूत नाबाद 87 धावा केल्या. शेवटच्या षटकात 26 आणि खेळानंतर आम्ही काही घडले असे झाले, "प्लेसिस म्हणाला. माजी दक्षिण आफ्रिकी कर्णधाराने 2013 मधील रैनाच्या शतकाचाही उल्लेख केला. "2013 मध्ये किंग्ज इलेव्हन पंजाबविरुद्ध सुरेश रैनाने शतक झळकावले आणि त्याने एकहाती सामना जिंकवला. तो एक विलक्षण डाव होता."