ICC ODI Ranking: पहिली वनडे हरल्यानंतरही टीम इंडिया आयसीसी क्रमवारीत बनू शकते नंबर वन, फक्त करावे लागेल हे काम
पहिल्या एकदिवसीय सामन्यात पाहुण्या भारताचा पराभव करून यजमान न्यूझीलंड संघ 116 रेटिंग गुणांसह आयसीसी वनडे क्रमवारीत पहिल्या क्रमांकावर आहे. पण मालिकेतील उर्वरित दोन एकदिवसीय सामने जिंकून भारतीय संघ किवी संघाला क्रमवारीत मागे सोडू शकतो.
IND vs NZ 2nd ODI 2022: शिखर धवनच्या (Shikhar Dhawan) नेतृत्वाखालील भारतीय क्रिकेट संघ न्यूझीलंडविरुद्धच्या 3 सामन्यांच्या मालिकेतील पहिला एकदिवसीय सामना (IND vs NZ) गमावल्यानंतरही आयसीसी क्रमवारीत (ICC ODI Ranking) पहिल्या क्रमांकावर पोहोचू शकतो. पहिल्या एकदिवसीय सामन्यात पाहुण्या भारताचा पराभव करून यजमान न्यूझीलंड संघ 116 रेटिंग गुणांसह आयसीसी वनडे क्रमवारीत पहिल्या क्रमांकावर आहे. पण मालिकेतील उर्वरित दोन एकदिवसीय सामने जिंकून भारतीय संघ किवी संघाला क्रमवारीत मागे सोडू शकतो. त्यानंतर टीम इंडिया 114 गुणांसह पहिल्या क्रमांकावर पोहोचेल.
भारत सध्या 110 रेटिंग गुणांसह चौथ्या क्रमांकावर
केन विल्यमसनच्या नेतृत्वाखालील न्यूझीलंड संघ हॅमिल्टन आणि क्राइस्टचर्च वनडे हरला तर त्याचे रेटिंग गुण घसरतील. टीम इंडिया सध्या 110 रेटिंग गुणांसह चौथ्या क्रमांकावर आहे. या मालिकेतील उर्वरित दोन सामने जिंकून शिखर धवन आणि कंपनी 114 गुणांसह अव्वल स्थानावर पोहोचेल. सलग दोन एकदिवसीय सामने गमावल्यानंतर न्यूझीलंड संघाला 112 रेटिंग गुण मिळतील. अशा स्थितीत भारतीय संघ पहिल्या क्रमांकावर बसेल. (हे देखील वाचा: Rishabh Pant ला मिळत असलेल्या संधींवर मिळू शकतो ब्रेक, माजी दिग्गजाने केलं मोठं विधान)
टीम इंडियाला जिंकून मालिकेत बरोबरी साधायची
दुसरीकडे, किवी संघ हॅमिल्टन वनडे जिंकून भारताच्या आशा नष्ट करू शकतो. ऑकलंडमध्ये खेळल्या गेलेल्या मालिकेतील पहिल्या एकदिवसीय सामन्यात न्यूझीलंडने भारताचा 7 गडी राखून पराभव करत 3 सामन्यांच्या मालिकेत 1-0 अशी आघाडी घेतली आहे. भारतीय गोलंदाज 306 धावांचा बचाव करण्यात अपयशी ठरले. हॅमिल्टनमध्ये विजयाची नोंद करून भारतीय संघ मालिकेत बरोबरी साधण्याचा तसेच वनडे क्रमवारीत नंबर वन होण्याच्या आशा जिवंत ठेवण्याचा प्रयत्न करेल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)