England vs Sri Lanka, 2nd Test Day 3 Scorecard: इंग्लंडचा दुसरा डाव 251 धावावर आटोपला, श्रीलंकेला मिळाले 483 धावांचे मोठे लक्ष्य; येथे पाहा स्कोअरकार्ड
दुसऱ्या डावात अनुभवी फलंदाज जो रूटने इंग्लंडकडून 103 धावांची शानदार खेळी केली. जो रूटने 111 चेंडूत 10 चौकारांच्या मदतीने शतक झळकावले
England National Cricket Team vs Sri Lanka National Cricket Team 2nd Test: गुरुवारपासून म्हणजेच 29 ऑगस्टपासून इंग्लंड राष्ट्रीय क्रिकेट संघ (England National Cricket Team) आणि श्रीलंका राष्ट्रीय क्रिकेट संघ (Sri anka National Cricket Team) यांच्यात कसोटी मालिकेतील दुसरा सामना लंडनमधील स्टेडियमवर (Lords Stadium) खेळवला जात आहे. या मालिकेतील पहिला सामना इंग्लंडने पाच गडी राखून जिंकला होता. इंग्लंड संघाने तीन सामन्यांच्या मालिकेत 1-0 अशी आघाडी घेतली आहे. दरम्यान, तिसऱ्या दिवसाच्या खेळाला सुरुवात झाली आहे. त्याआधी दुसऱ्या दिवसाचा खेळ संपेपर्यंत इंग्लंडने दुसऱ्या डावात 25 धावा केल्या होत्या. (हे देखील वाचा: Most Hundred In WTC: वर्ल्ड टेस्ट चॅम्पियनशिपमध्ये सर्वाधिक शतक झळकवणारे टाॅप 5 फलंदाज, यादीत फक्त एकच भारतीय खेळाडू)
सामन्याच्या तिसऱ्या दिवशी फलंदाजीला आलेल्या इंग्लंडचा संघ दुसऱ्या डावात 54.3 षटकात 251 धावा करत सर्वबाद झाला. दुसऱ्या डावात अनुभवी फलंदाज जो रूटने इंग्लंडकडून 103 धावांची शानदार खेळी केली. जो रूटने 111 चेंडूत 10 चौकारांच्या मदतीने शतक झळकावले. जो रूटशिवाय हॅरी ब्रूकने 34 धावा केल्या. श्रीलंकेकडून असिथा फर्नांडो आणि लाहिरू कुमाराने प्रत्येकी सर्वाधिक तीन बळी घेतले. या दोघांशिवाय मिलन प्रियनाथ रथनायके आणि प्रभात जयसूर्या यांनी प्रत्येकी दोन बळी घेतले. हा सामना जिंकण्यासाठी श्रीलंकेला 483 धावांची गरज आहे.
तत्पूर्वी, श्रीलंकेचा कर्णधार धनंजय डी सिल्वाने नाणेफेक जिंकून प्रथम गोलंदाजी करण्याचा निर्णय घेतला. पहिल्या डावात नाणेफेक हारल्यानंतर प्रथम फलंदाजीला आलेल्या इंग्लंड संघाची सुरुवात चांगली झाली नाही आणि इंग्लंडचा निम्मा संघ अवघ्या 193 धावांवर पॅव्हेलियनमध्ये परतला. यानंतर जो रूटने इंग्लंडचा डाव सांभाळला.
इंग्लंडचा पहिला डाव 102 षटकात 427 धावांवर संपुष्टात आला. इंग्लंडकडून जो रूटने 167 चेंडूंमध्ये 13 चौकारांच्या मदतीने शतक पूर्ण केले. जो रूटच्या कसोटी कारकिर्दीतील हे 33 वे शतक होते. इंग्लंडकडून जो रूटने 143 धावांची सर्वोत्तम खेळी खेळली. जो रूटच्या गस ऍटकिन्सनने 118 धावा केल्या. या खेळीदरम्यान, गस ऍटकिन्सनने 115 चेंडूत चार षटकार आणि 14 चौकारांच्या मदतीने आपले पहिले कसोटी शतक झळकावले.
श्रीलंकेकडून असिथा फर्नांडोने सर्वाधिक 5 बळी घेतले. आसिथा फर्नांडोशिवाय मिलन प्रियनाथ रथनायके आणि लाहिरू कुमाराने प्रत्येकी दोन बळी घेतले. पहिल्या डावात फलंदाजीसाठी आलेला श्रीलंकेचा संपूर्ण संघ 55.3 षटकात केवळ 196 धावा करू शकला नाही. श्रीलंकेकडून कामिंडू मेंडिसने सर्वाधिक 74 धावा केल्या. इंग्लंडकडून ख्रिस वोक्स, मॅथ्यू पॉट्स, गस ऍटकिन्सन आणि ऑली स्टोन यांनी प्रत्येकी दोन गडी बाद केले.