ENG Tour of PAK 2022: वसिम अक्रम यांनी इंग्लंडकडून उपकाराची परतफेड करण्याची केली मागणी, 2022 मध्ये पाकिस्तान दौरा करण्याची मागणी करत सुरक्षेचे दिले आश्वासन

पाकिस्तानी क्रिकेट टीम सध्या इंग्लंड दौऱ्यावर (Pakistan Tour of England) आहे. वेस्ट इंडिजनंतर कोरोना काळात इंग्लंडचा दौरा करणारा पाकिस्तान दुसरा संघ (Pakistan Team) आहे. कडक नियमांतर्गत खेळाडूंना जैव-सुरक्षित वातावरणात ठेवले गेले आहेत. कोविड-19 टेस्ट केल्याशिवाय खेळाडूंना बबलमध्ये प्रवेश करण्याची परवानगी नव्हती आणि संपूर्ण दौऱ्यासाठी त्यांना स्वत:ला बाहेरील जगापासून दूर करावे लागले. इंग्लंड आणि वेल्स क्रिकेट बोर्डाचे मुख्य कार्यकारी टॉम हॅरिसन यांनी या उन्हाळ्यात महामारीच्या पार्श्वभूमीवर वेस्ट इंडीज आणि पाकिस्तानचे इंग्लंड दौर्‍याबद्दल आभार मानले. दोन्ही टीमच्या या दौऱ्यामुळे ईसीबीला (ECB) मोठ्या प्रमाणात आर्थिक तोटा टाळता आला. आता पाकिस्तानचे माजी कर्णधार आणि वेगवान गोलंदाज वसीम अक्रम (Wasim Akram) यांनी म्हटले की, इंग्लंडने कोरोना व्हायरस असूनही 2022 मध्ये अझर अली आणि त्याच्या माणसांच्या भेटीची पुनरावृत्ती करत पाकिस्तान दौरा केला पाहिजे. (ENG vs PAK 2nd Test Day 4: इंग्लंड-पाकिस्तान दुसरी टेस्ट ड्रॉ होणे निश्चित; चौथा दिवसही पावसाने धुतला, पहिल्या डावात पाकने केल्या 236 धावा, इंग्लंडचा स्कोर 7/1)

पाकिस्तानचे माजी कर्णधार अक्रमने स्काय स्पोर्ट्स क्रिकेटला सांगितले की, “तुम्ही पाकिस्तान क्रिकेट आणि देशाचे खूप ऋणी आहात, बॉइज इथे आलेत.” “ते जैव-सुरक्षित वातावरणात जवळजवळ अडीच महिने येथे आहेत,” खेळाडू आणि अधिकारी व्यतिरिक्त इतर कोणालाही मर्यादा नसलेल्या झोनचा समावेश असलेल्या खबरदारीचा संदर्भ देऊन ते म्हणाले. “म्हणून जर सर्व काही व्यवस्थित झाले तर इंग्लंडने पाकिस्तान दौर्‍यावर यावे,” महान डावखुरा वेगवान गोलंदाज अक्रम म्हणाला. अक्रमने खेळाडूंच्या सुरक्षेबाबतही वाचन दिले.“मी तुम्हाला वचन देतो की तेथील मैदानावर आणि बाहेर त्यांची काळजी घेतली जाईल आणि प्रत्येक गेमसाठी स्टेडियम भरलेले असेल.”

2009 मध्ये लाहोर शहरात श्रीलंका संघाच्या बसवर दहशतवाद्यांनी हल्ला केल्यापासून शीर्ष संघांनी पाकिस्तान दौरा करण्यास नकार दिला आहे. इंग्लंडने अखेर 2005-6 दरम्यान पाकिस्तानचा दौरा केला होता पण पाकिस्तानच्या फ्रेंचायझी-आधारित टी-20 स्पर्धेत इंग्लिश खेळाडूंचा सहभाग त्यांच्या सुरक्षिततेच्या समस्येवर विजय मिळवून देण्यास मदत करेल, अशी अक्रमला आशा होती. इंग्लंड 2022 मध्ये पाकिस्तानचा दौरा करणे अपेक्षित आहे जेथे दोन्ही टीम 3 टेस्ट आणि 5 सामन्यांची वनडे मालिका खेळतील.