ENG Team: भारताकडून सामना हरल्यानंतर इंग्लंडचा संघ अबुधाबीला सूसाट रवाना, मोठे कारण उघड
भारताविरुद्ध खेळल्या गेलेल्या दुसऱ्या कसोटी सामन्यानंतर (IND vs ENG) इंग्लंड संघ (ENG Team) अबुधाबीला रवाना झाला आहे. या काळात संघ काही दिवस सुट्टीवर असेल. भारत दौऱ्यापूर्वी संघाने येथे आपला तळ ठोकला होता आणि आता ते पुन्हा एकदा विश्रांतीसाठी येथे गेले आहेत.
IND vs ENG Test Series: विशाखापट्टणम येथे भारताविरुद्ध खेळल्या गेलेल्या दुसऱ्या कसोटी सामन्यानंतर (IND vs ENG) इंग्लंड संघ (ENG Team) अबुधाबीला रवाना झाला आहे. या काळात संघ काही दिवस सुट्टीवर असेल. भारत दौऱ्यापूर्वी संघाने येथे आपला तळ ठोकला होता आणि आता ते पुन्हा एकदा विश्रांतीसाठी येथे गेले आहेत. विशाखापट्टणम येथे खेळल्या गेलेल्या दुसऱ्या कसोटी सामन्यात भारताने इंग्लंडचा 106 धावांनी पराभव केला. भारतीय संघाने दिलेल्या 399 धावांच्या विशाल लक्ष्याचा पाठलाग करताना चौथ्या दिवशी इंग्लंडचा दुसरा डाव 292 धावांत आटोपला आणि त्यांना मोठ्या पराभवाला सामोरे जावे लागले. अशा प्रकारे टीम इंडियाने या कसोटी मालिकेत पुनरागमन केले आहे. हैदराबादमध्ये खेळवण्यात आलेला पहिला सामना इंग्लंडने जिंकला होता पण आता दुसरा सामना जिंकून टीम इंडियाने मालिकेत बरोबरी साधली आहे.
इंग्लंडचा संघ काही दिवस अबुधाबीमध्ये राहणार
भारत आणि इंग्लंड यांच्यातील कसोटी मालिकेतील तिसरा सामना 15 फेब्रुवारीपासून राजकोटमध्ये खेळवला जाणार आहे आणि त्यामुळेच इंग्लंड संघ विश्रांतीसाठी अबुधाबीला गेला आहे. आता संघ राजकोट कसोटी सामन्यापूर्वी भारतात येईल आणि तोपर्यंत अबुधाबीतच राहील. (हे देखील वाचा: Manav Suthar 5 Wicket Haul: रणजी ट्रॉफीमध्ये मानव सुथारने आपल्या जादूई चेंडूने घेतली विकेट, फलंदाज झाला थक्क, पाहा व्हिडिओ)
पराभवनंतर बेन स्टोक्सने दिली मोठी प्रतिक्रिया
दुसऱ्या डावात लक्ष्याचा पाठलाग करण्याचा आत्मविश्वास असल्याचे त्याने सांगितले होते. आव्हानांचा सामना करण्यासाठी आम्ही ज्या प्रकारे पुढे गेलो, ती चांगली गोष्ट आहे. अशा क्षणांमध्ये, स्कोअरबोर्डवर दबाव असताना आम्ही आमची सर्वोत्तम कामगिरी करू शकतो. तो एक उत्तम सामना होता. स्टोक्स पुढे म्हणाला की, त्याला फिरकीपटूंचे नेतृत्व करताना खूप मजा येत आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)