100 वर्षीय कर्नल टॉम मूर बनले इंग्लंड क्रिकेट टीमचे सदस्य, कोरोना व्हायरसच्या लढाईत जमावला होता 290 कोटींचा निधी

कोरोना व्हायरसच्या (Coronavirus) प्रसारामुळे सध्या जगातील प्रत्येक खेळाचे मैदान ओसाड पडले आहे. पण अशा संकट काळात, इंग्लंड क्रिकेट टीममध्ये (England Cricket Team) एक नवीन सदस्य सामिल झाला आहे आणि ते आहे इंग्लंडचे सर्वात लोकप्रिय व्यक्ती कर्नल टॉम मूर (Colonel Tom Moore). दुसरे विश्वयुद्ध सैनिक आणि माजी ब्रिटिश सैन्य कॅप्टन मूर यांना त्यांच्या 100 व्या वाढदिवशी इंग्लंड क्रिकेट संघाचा मानद सदस्य बनविण्यात आले. इंग्लंडचे माजी कर्णधार माइकल वॉन यांनी मूर यांना क्रिकेट कॅप बीबीसी ब्रेकफास्टवर इंग्लंड क्रिकेट संघाचा अधिकृत सदस्य बनवण्यासाठी भेट दिली. व्हिडिओ कॉलवर टॉमशी बोलताना वॉन म्हणाले की, "कॅप्टन टॉम, तुम्ही देशाची धडकन आहात. आम्ही आपणास इंग्लंड क्रिकेट संघाचे अधिकृत सदस्य बनवतो." वॉन म्हणाले की आपण देशासाठी बरेच काही केले आहे. आपण राष्ट्रीय आरोग्य सेवेसाठी बराच निधी गोळा केला आहे. मूरने त्यांचं जॅकेट आणि पदकांसह या समारंभात हजेरी लावली आणि त्याचा नातू बेंजी इंग्राम मूर यांनी त्यांना इंग्लंडची टेस्ट कॅप दिली. (कोणत्या देशांत Coronavirus नाही? जाणून घ्या असे देश जिथे अजूनही कोरोना विषाणूचा एकही रुग्ण नाही)

कॅप्टन मूर यांना त्यांच्या 100 व्या वाढदिवशी कर्नलची मानद उपाधी देण्यात आली आणि आता ते कर्नल टॉम मूर बनले आहे. 30 एप्रिल रोजी मूर यांनी ब्रिटनमध्ये लॉकडाउनच्या काळात 100 वा वाढदिवस साजरा केला. 100 व्या वाढदिवशी टॉम मूर यांना 1,25,000 हून अधिक ग्रीटिंग्ज कार्ड्स मिळाले आहेत. इंग्लंड बॉर्डरने मूर यांना वाढदिवसानिमित्त एक व्हिडिओ शेअर केल्या ज्यात खेळाडूंनी त्यांना शुभेच्छा दिल्या. दुसरीकडे, फॉर्म्युला वन टीम आणि ड्रायव्हर्सनी मूर यांना वाढदिवसाच्या शुभेच्छा दिल्या. मूर, मॅकलारेन हा संघाचा मोठे चाहते आहेत.

इंग्लंड क्रिकेटने दिलेल्या सन्मानाबद्दल मूर यांनी आभार व्यक्त केले.

गेल्या महिन्यात टॉमने आपल्या घरातील बागेत चालून कोरोना विषाणूविरूद्ध लढा देण्यासाठी मदत म्हणून ब्रिटनच्या राष्ट्रीय आरोग्य सेवेसाठी सुमारे 290 कोटी रुपयांचा निधी जमा केला होता. ब्रिटनचे डॉक्टर आणि आरोग्य कर्मचारी फेस मास्क, ग्लोव्हज आणि पीपीई किटच्या कमतरतेचा सामना करत आहे आणि लोकं या कमतरतेवर मात करण्यासाठी पुढे येत आहेत.