ब्रायन लारा याच्या मुलाची फलंदाजी पाहून सचिन तेंडुलकरला आली स्वतःच्या बालपणाची आठवण, शेअर केली खास पोस्ट

क्रिकेटचा देव म्हणून ओळखल्या जाणार्‍या मास्टर ब्लास्टर फलंदाज सचिन तेंडुलकरला (Sachin  Tendulkar) लहानपणापासूनच क्रिकेट खेळायची सवय होती. ज्यामुळे क्रिकेट बॅटसह फलंदाजी करताना त्याचा बालपणीचा फोटोही व्हायरल झाला होता. दरम्यान, सचिनच्या बालपणीच्या फोटोसह आता त्याचा मित्र आणि वेस्ट इंडीजचा माजी फलंदाज ब्रायन लारा (Brian Lara) याच्या मुलाचा फोटो सोशल मीडियावर शेअर करताच व्हायरल झाला आहे. क्रिकेटचे हे दोन महान फलंदाज अनेक वर्षांपासून एकमेकांचे चांगले मित्र आहेत. दोघेही त्यांच्या देशासाठी जवळजवळ एकाच वेळी खेळत असताना एकमेकांबद्दल असलेले परस्पर आदर अतुलनीय आहे. नुकताच लाराने आपल्या मुलाचा बॅट कशी धरायची हे शिकण्याचा प्रयत्न करीत असलेला एक व्हिडिओ सामायिक केला होता. सर्वांगीण महान मानल्या जाणार्‍या सचिनने आपल्या बालपणीच्या फलंदाजीच्या भूमिकेची तुलना लाराच्या मुलाशी केली. (Lockdown मध्ये सचिन तेंडुलकर हातात काठी घेऊन पाडतोय झाडावरचे लिंबू; हरभजन सिंह ने Video शेअर करत केली 'ही' मागणी)

सचिनने इन्स्टाग्राम पोस्टवर लिहिले की, “@brianlaraofficial मला दुसर्‍या मुलाबद्दलही माहित आहे ज्याची अशीच पकड होती आणि आंतरराष्ट्रीय क्रिकेटमध्ये त्याने फारसे वाईट काम केले नाही.” पाहा सचिनची पोस्ट

 

View this post on Instagram

 

@brianlaraofficial I know of another boy who had a similar grip and didn’t do too badly in international cricket. 😋

A post shared by Sachin Tendulkar (@sachintendulkar) on May 27, 2020 at 3:22am PDT

लाराने यापूर्वी मुलाचा व्हिडिओ शेअर केला होता ज्यात त्याचा मुलगा झेंडे त्याच्या आईची मदत घेऊन फलंदाजी करायला शिकत आहे. वेस्ट इंडीजच्या या माजी क्रिकेटपटूने लिहिले, “तो बॅट कसा पकडतो हे पहा, मला उजव्या हाताचा फलंदाज व्हायचे आहे हे ते मला सांगत आहे.” लारा हा डाव्या हाताचा फलंदाज होता. व्हिडिओने लवकरच त्याचा चांगला मित्र सचिन तेंडुलकरचे लक्ष वेधून घेतले. मास्टर ब्लास्टरने लाराच्या मुलाच्या फोटोसह स्वतःच बालपणात अशाच प्रकारे बॅट पकडल्याचा फोटो शेअर केला.

 

View this post on Instagram

 

Look at the way he grips the bat, that tells me he wants to be a lefthanded batsman. Mummy is giving him some good advice. Look at the attitude when told to switch hands. 😎😂 "Both hands on the bat" 😂 NO Action time swings right misses swings left and makes contact #donedeal #leftiebatsman "Don't you want to play like daddy" NO! 👍 #betterthan That's my boy!

A post shared by Brian Lara (@brianlaraofficial) on May 26, 2020 at 4:56am PDT

दरम्यान, सचिन आणि लारा हे आजवरचे सर्वोत्कृष्ट फलंदाज आहेत. सचिन आंतरराष्ट्रीय कसोटी आणि एकदिवसीय क्रिकेट सामन्यात अनुक्रमे 15,921 आणि 18,426 सर्वाधिक धावा करणारा फलंदाज आहे, तर लाराने कसोटी आणि वनडे सामन्यात 10,000 पेक्षा जास्त धावा केल्या आहेत. सचिनच्या नावावर आंतरराष्ट्रीय क्रिकेटमध्ये सर्वाधिक 100 शतकांच्या विक्रमाची नोंद आहे. दुसरीकडे, लारा जगातील एकमेव फलंदाज आहे ज्याने कसोटी क्रिकेटमध्ये चौपट शतक ठोकले आहे आणि खेळाच्या प्रदीर्घ स्वरूपात सर्वाधिक वैयक्तिक धावा करण्याचा विक्रम त्याच्या नावावर आहे.