IND vs AUS 5th Test 2024 Day 2 Scorecard: ऑस्ट्रेलियाचा पहिला डाव 181 धावांवर गारद, भारताकडे चार धावांची आघाडी; सिराज-प्रसिद्ध यांना मिळाल्या 3-3 विकेट
सिडनी कसोटीत रोहित शर्माच्या जागी जसप्रीत बुमराह भारतीय संघाचे नेतृत्व करत आहे. दरम्यान, भारताने पहिल्या डावात 185 धावा केल्या, प्रत्युत्तरात ऑस्ट्रेलियाला दुसऱ्या डावात दुस-या दिवशी 181 धावांवर गारद झाला. यासह भारताने दुसऱ्या डावात 4 धावांची आघाडी घेतली आहे.
Australia Men's Cricket Team vs Indian National Cricket Team: भारतीय राष्ट्रीय क्रिकेट संघ विरुद्ध ऑस्ट्रेलिया मेन्स क्रिकेट संघ (IND vs AUS) यांच्यातील 5 सामन्यांच्या बॉर्डर गावस्कर कसोटी मालिकेतील (Border-Gavaskar Trophy 2024-25) पाचवा आणि शेवटचा कसोटी सामना 3 जानेवारीपासून सिडनी क्रिकेट मैदानावर खेळवला जात आहे. सध्या ऑस्ट्रेलियन संघ मालिकेत 2-1 ने आघाडीवर आहे. सिडनी कसोटीत रोहित शर्माच्या जागी जसप्रीत बुमराह भारतीय संघाचे नेतृत्व करत आहे. दरम्यान, भारताने पहिल्या डावात 185 धावा केल्या, प्रत्युत्तरात ऑस्ट्रेलियाला दुसऱ्या डावात दुस-या दिवशी 181 धावांवर गारद झाला. यासह भारताने दुसऱ्या डावात 4 धावांची आघाडी घेतली आहे. ऑस्ट्रेलियाकडून ब्यू वेबस्टर 57 धावांची सर्वाधिक खेळी केली. तर भारताकडून प्रसिद्ध कृष्णाने सर्वाधिक तीन विकेट घेतल्या.
दुसऱ्या दिवशी ऑस्ट्रेलियाची वाईट सुरुवात
ऑस्ट्रेलियन संघाने पहिल्याच दिवशी डावाची सुरुवात केली. पहिल्या दिवशी शेवटच्या चेंडूवर जसप्रीत बुमराहने उस्मान ख्वाजाला बाद केले. आज दुसऱ्या दिवशी ऑस्ट्रेलियाची वाईट सुरुवात झाली. मार्नस लॅबुशेनला 2 आणि कॉन्स्टास 23 धावा करुन बाद झाला. ऑस्ट्रेलियाने 39 धावांवर 4 विकेट गमावल्या होत्या. त्यानंतर कोणताही कांगारु फलंदाज जास्तवेळ टीकू शकला नाही. वेबस्टरच्या 57 धावांच्या जोरावर ऑस्ट्रेलिया पहिल्या डावात 181 करू शकला. (हे देखील वाचा: IND vs AUS 5th Test 2025: सिडनी कसोटीतून वाईट बातमी! दुखापतीमुळे जसप्रीत बुमराहने सोडलं मैदान; पोहोचला हॉस्पिटलमध्ये)
भारतीय गोलंदाजांचा कहर
आज दुसऱ्या दिवसाची सुरुवात भारताची चांगली झाली. जसप्रीत बुमराहने दिवसाच्या चौथ्या षटकात मार्नस लॅबुशेनला (2) बाद करून भारताला दुसरे यश मिळवून दिले. यानंतर मोहम्मद सिराजने सॅम कॉन्स्टंट्सची (23) शिकार केली. कॉन्स्टासला संपूर्ण टीमने निरोप दिला. 12व्या षटकातच मोहम्मद सिराजने धोकादायक ट्रॅव्हिस हेडला बाद केले. प्रसिध कृष्णाने वेबस्टरला 57 च्या वैयक्तिक स्कोअरवर पायचीत करून एका मोठ्या माशाला पायचीत केले. भारताकडून मोहम्मद सिराज आणि प्रसिध कृष्णाने प्रत्येकी 3-3 विकेट घेतल्या. तर बुमराह आणि नितीन रेड्डीने प्रत्येकी 2-2 विकेट घेतल्या.
भारत पहिल्या डावात 185 ऑलआऊट
प्रथम फलंदाजी करताना भारताची वाईट सुरुवात झाली. भारताचे दोन्ही सलामीवीर केएल राहुल आणि यशस्वी जैस्वाल स्वस्तात बाद झाले. त्यानंतर पुनरागमन करणारा शुभमन गिल 20 धावा करुन बाद झाला. विराट कोहली थोडा वेळ लयीत दिसला पण शेवटी ऑफ स्टॅम्पच्या बाॅलचा बळी ठरला. त्यानंतर पंत आणि जडेजाने संघाची हाती कमान घेतली. त्यांनी थोडा वेळ घेत स्कोरबोर्ड चालू ठेवला. पण मोठ्या शाॅट मारण्याच्या नादात पंत त्याची मोठी विकेट देवुन बसला. त्यानंतर संगळ्यानी विकेट फेकल्या आणि भारत पहिल्या डावात 185 ऑलआऊट झाला.
बोलंड-स्टार्कची घातक गोलंदाजी
ऑस्ट्रेलियाकडून गोलंदाजी करताना स्कॉट बोलंड आणि मिचेस स्टार्कने कहर केला आहे. स्टार्कने 3 आणि बोलंड 4 विकेट घेतल्या आहे. तर कॅमिन्सला 2 आणि लायनला 1 विकेट मिळाली आहे. आता दुसऱ्या दिवशी भारताच्या नजरा ऑस्ट्रेलियाला लवकरात लवकर ऑलआउट करण्यावर असतील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)