ऑस्ट्रेलिया T20 World Cup मधून बाहेर होण्याच्या मार्गावर, आता उपांत्य फेरी गाठण्याचा हा एकमेव मार्ग

T20 विश्वचषकाच्या (T20 WC 2022) महत्त्वाच्या सामन्यात आज यजमान ऑस्ट्रेलियन संघ इंग्लंडसमोर (ENG vs AUS) असणार होता. मात्र पावसामुळे हा सामना खेळला गेला नाही, त्यामुळे या दोन संघांना टी-20 विश्वचषकाच्या उपांत्य फेरीत प्रवेश करणे कठीण झाले आहे. विशेषत: हा सामना रद्द झाल्याने ऑस्ट्रेलियाला अधिक फटका बसला आहे. हा सामना रद्द झाल्यामुळे दोन्ही संघांना प्रत्येकी एक गुण मिळाला पण त्यामुळे उपांत्य फेरीतील त्यांचा मार्ग कठीण झाला आहे. प्रत्येक गटातून दोनच संघ उपांत्य फेरीसाठी पात्र ठरतील. शुक्रवारी दोन सामने वाहून गेल्याने इंग्लंडने गट 1 मध्ये गुणतालिकेत दुसऱ्या स्थानावर पोहोचले आहे. विजेतेपदाचा प्रबळ दावेदार मानल्या जाणाऱ्या इंग्लंडला पावसाने प्रभावित झालेल्या सुपर 12 सामन्यात आयर्लंडविरुद्ध पराभवाला सामोरे जावे लागले, जे त्यांना महागात पडले आहे.

न्यूझीलंड सहज पात्र ठरू शकतो

सुपर 12 च्या गट 1 मध्ये आता चार संघांचे प्रत्येकी तीन गुण आहेत परंतु उर्वरित संघांनी तीन सामने खेळले आहेत, तर अव्वल क्रमांकावर असलेल्या न्यूझीलंडने फक्त दोन सामने खेळले आहेत. ऑस्ट्रेलियाचेही तीन गुण आहेत पण निव्वळ धावगतीनुसार आयर्लंडच्या मागे चौथ्या क्रमांकावर आहे. भारत-पाकिस्तान सामना वगळता MCG मधील इतर सर्व सामन्यांवर पावसाचा परिणाम झाला. ऑस्ट्रेलियाचा कर्णधार आरोन फिंच म्हणाला, मी पहिल्यांदाच हे स्टेडियम इतके ओले पाहिले आहे. खरा मुद्दा रन अप आणि 30 यार्ड सर्कलचा होता. हा परिसर खूप ओला झाला होता. खेळाडूंची सुरक्षा महत्त्वाची होती. झिम्बाब्वेचा खेळाडू कसा घसरला हे आम्ही पाहिले. (हे देखील वाचा: ENG vs AUS: इंग्लंड विरुद्ध ऑस्ट्रेलिया सामना पावसामुळे रद्द, गट 1 मधील उपांत्य फेरीची लढत बनली रंजक)

उपांत्य फेरी गाठण्याचा हा एकमेव मार्ग 

उपांत्य फेरी गाठण्यासाठी ऑस्ट्रेलियाला जबरदस्त नशिबाची गरज आहे. यजमान संघ सध्या 3 सामन्यांनंतर 3 गुणांसह गट 1 मध्ये चौथ्या स्थानावर आहे. त्याची सर्वात मोठी समस्या म्हणजे त्याचा खराब नेट रन रेट -1.555 आहे. अशा स्थितीत उपांत्य फेरी गाठण्यासाठी त्यांना इंग्लंड आणि श्रीलंकेकडून 1-1 अशा पराभवावर अवलंबून राहावे लागेल आणि उर्वरित दोन सामने चांगल्या रन रेट ने जिंकावे लागतील.