AUS vs SL Test 2025 Scorecard: तिसऱ्या दिवशी ब्रेकपर्यंत, ऑस्ट्रेलिया पहिल्या डावात 444 धावांवर सर्वबाद, श्रीलंकेवर 157  धावांची आघाडी, सामन्याचे लाईव्ह स्कोअरकार्ड येथे पहा

Australia National Cricket Team vs Sri Lanka National Cricket Team Match Scorecard: श्रीलंका राष्ट्रीय क्रिकेट संघ विरुद्ध ऑस्ट्रेलिया राष्ट्रीय क्रिकेट संघ यांच्यातील 2 सामन्यांच्या कसोटी मालिकेतील दुसरा आणि शेवटचा सामना 6 फेब्रुवारी (बुधवार) पासून गॅले येथील गॅले आंतरराष्ट्रीय स्टेडियमवर (Galle International Stadium) खेळला जात आहे. तिसऱ्या दिवसाच्या चहापानाच्या विश्रांतीपर्यंत ऑस्ट्रेलियाने पहिल्या डावात 414 धावा करून 157 धावांची आघाडी घेतली होती. पहिल्या डावात श्रीलंकेचा संघ 257 धावांवर सर्वबाद झाला. (PAK vs NZ 1st ODI Tri-Series 2025 Fantasy11 Prediction: एकदिवसीय तिरंगी मालिकेच्या पहिल्या सामन्यात न्यूझीलंड आणि पाकिस्तान आमनोसामने; सर्वोत्तम प्लेइंग इलेव्हन अशी बनवा)

ऑस्ट्रेलियाची सुरुवातही चांगली नव्हती आणि 37 धावांवर दोन विकेट पडल्या. ट्रॅव्हिस हेड 21 धावा काढून बाद झाला आणि मार्नस लाबुशेन 4 धावा काढून बाद झाला. यानंतर स्टीव्ह स्मिथ आणि यष्टीरक्षक अ‍ॅलेक्स कॅरी यांनी शानदार फलंदाजी करत संघाला मजबूत स्थितीत आणले. स्टीव्ह स्मिथने 131 धावा आणि अ‍ॅलेक्स कॅरीने 156 धावा केल्या. दोघांनीही चौथ्या विकेटसाठी 259 धावांची भागीदारी केली. ब्यू वेबस्टरने 31 धावा केल्या, पण खालच्या फळीतील फलंदाज फारसे काही करू शकले नाहीत आणि संपूर्ण संघ 106.4 षटकांत 414 धावांवर बाद झाला.

श्रीलंकेकडून प्रभात जयसूर्याने 38 षटकांत 151 धावा देत 5 बळी घेतले. निशान पेरिसने 3 आणि रमेश मेंडिसने 2 विकेट घेतल्या. तिसऱ्या दिवसाच्या पहिल्या सत्राच्या अखेरीस, ऑस्ट्रेलियाने सामन्यावर पूर्णपणे वर्चस्व गाजवलेले दिसून आले. श्रीलंकेला आता दुसऱ्या डावात जोरदार फलंदाजी करावी लागेल, अन्यथा ऑस्ट्रेलिया ही कसोटी आणि मालिका दोन्ही जिंकण्याच्या मार्गावर आहे.

ऑस्ट्रेलिया राष्ट्रीय क्रिकेट संघ विरुद्ध श्रीलंका राष्ट्रीय क्रिकेट संघ सामन्याचा स्कोअरकार्ड

नाणेफेक जिंकून प्रथम फलंदाजी करणाऱ्या श्रीलंकेच्या संघाची सुरुवात संघर्षपूर्ण झाली. पथुम निस्सांका 11 धावांवर आणि कर्णधार दिमुथ करुणारत्ने 36 धावांवर बाद झाला. अँजेलो मॅथ्यूज फक्त 1 धावांवर पॅव्हेलियनमध्ये परतला आणि धनंजय डी सिल्वा खाते न उघडताच परतला. श्रीलंकेकडून कुसल मेंडिसने नाबाद 85 आणि दिनेश चांदीमलने 74 धावा केल्या. रमेश मेंडिसनेही २८ धावांचे योगदान दिले, परंतु उर्वरित फलंदाज अपयशी ठरले आणि संपूर्ण संघ 97.4 षटकांत 257 धावांवर ऑलआउट झाला. ऑस्ट्रेलियाकडून नॅथन लायन, मॅथ्यू कुनहेमन आणि मिशेल स्टार्क यांनी 3-3 विकेट घेतल्या तर ट्रॅव्हिस हेडने 1 विकेट घेतली.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)