IND W vs PAK W T20 WC 2023: भारत आणि पाकिस्तान यांच्यात रंगणार आज हाय व्होल्टेज सामना, सर्वांच्या नजरा असतील 'या' महान खेळाडूंवर
दोन्ही संघांमध्ये आज रोमांचक सामना अपेक्षित आहे. या हाय व्होल्टेज मॅचपूर्वी टीम इंडियाला (Team India) मोठा झटका बसला आहे. संघाची उपकर्णधार स्मृती मानधना दुखापतीमुळे पाकिस्तानविरुद्धच्या महत्त्वपूर्ण सामन्यातून बाहेर पडली आहे.
आयसीसी महिला टी-20 विश्वचषक 2023 (ICC Women's T20 World Cup 2023) सुरू झाला आहे. या स्पर्धेचा आठवा हंगाम दक्षिण आफ्रिकेत खेळला जात आहे. भारतीय महिला संघाचा आज पहिला सामना पाकिस्तानसोबत (IND vs PAK) आहे. दोन्ही संघांमध्ये आज रोमांचक सामना अपेक्षित आहे. या हाय व्होल्टेज मॅचपूर्वी टीम इंडियाला (Team India) मोठा झटका बसला आहे. संघाची उपकर्णधार स्मृती मानधना दुखापतीमुळे पाकिस्तानविरुद्धच्या महत्त्वपूर्ण सामन्यातून बाहेर पडली आहे. टीम इंडिया आणि पाकिस्तान यांच्यातील हा सामना आज होणार आहे. सामना भारतीय वेळेनुसार संध्याकाळी 6.30 वाजता सुरू होईल आणि नाणेफेक संध्याकाळी 6 वाजता होईल. हा हाय व्होल्टेज सामना केपटाऊनमधील न्यूलँड्स येथे खेळवला जाईल.
सर्वांच्या नजरा या दिग्गजांकडे असतील
दिप्ती शर्मा
भारतीय महिला संघाची स्टार अष्टपैलू दिप्ती शर्मा पाकिस्तानविरुद्ध खेळताना महत्त्वाची भूमिका बजावणार आहे. दिप्ती शर्मा ही संघाची महत्त्वाची गोलंदाज आहे. तिने आतापर्यंत भारतासाठी एकूण 87 टी-20 आंतरराष्ट्रीय सामने खेळले आहेत, ज्यामध्ये तिने 26.01 च्या सरासरीने आणि 106.06 च्या स्ट्राइक रेटने एकूण 914 धावा केल्या आहेत. त्याचबरोबर दीप्ती शर्माने गोलंदाजीत 96 विकेट घेतल्या आहेत. अशा परिस्थितीत आजच्या सामन्यात सर्वांच्या नजरा दिप्ती शर्मावर असतील.
शेफली वर्मा
टीम इंडियाची युवा सलामीवीर शेफाली वर्माने अलीकडेच तिच्या नेतृत्वाखाली महिला अंडर-19 विश्वचषक 2023 जिंकला होता. अंडर-19 विश्वचषकात शेफली वर्माने 7 सामन्यात फलंदाजी करताना 193.26 च्या स्ट्राइक रेटने 172 धावा केल्या. पाकिस्तानविरुद्धच्या सामन्यात शेफाली वर्माच्या कामगिरीकडे सर्वांच्या नजरा असतील. (हे देखील वाचा: IND W vs PAK W T20 WC 2023: पाकिस्तानविरुद्धच्या सामन्यापूर्वी भारताला मोठा धक्का, उपकर्णधार Smriti Mandhana दुखापतीमुळे सामन्यातून बाहेर)
रिचा घोष
भारतीय संघाची युवा यष्टिरक्षक-फलंदाज रिचा घोषमध्ये सामन्याचा मार्ग क्षणार्धात बदलण्याची ताकद आहे. ऋचा घोष ही स्फोटक फलंदाज आहे. ऋचा घोषने टीम इंडियासाठी आतापर्यंत एकूण 30 टी-20 आंतरराष्ट्रीय सामने खेळले असून, 134.27 च्या स्ट्राइकसह 427 धावा केल्या आहेत. आज सर्वांच्या नजरा या दिग्गजांकडे असतील.
दोन्ही संघांची संभाव्य प्लेइंग इलेव्हन
टीम इंडिया: हरमनप्रीत कौर (कर्णधार), रिचा घोष (विकेटकीपर), राधा यादव, यास्तिका भाटिया, स्मृती मानधना, अंजली सरवानी, जेमिमा रॉड्रिग्स, दीप्ती शर्मा, शेफाली वर्मा, स्नेह राणा आणि शिखा पांडे. (लक्षात ठेवा स्मृती मानधना बद्दल काहीही स्पष्ट नाही.)
पाकिस्तानः सिद्रा अमीन, जावेरिया खान, बिस्माह मारूफ (कर्णधार), मुनीबा अली, निदा दार, आयशा नसीम, सदफ शमास, आलिया रियाझ, सिद्रा नवाज, आयमान अन्वर आणि नशरा संधू.
(The above story first appeared on LatestLY on Feb 12, 2023 09:50 AM IST. For more news and updates on politics, world, sports, entertainment and lifestyle, log on to our website latestly.com).
