Virat Kohli's 5 worst Years of ODI Career: विराट कोहलीच्या एकदिवसीय कारकिर्दीतील सर्वात वाईट 5 वर्षे, ज्यामध्ये त्याची बॅट चाललीच नाही

मुंबई: भारतीय संघाचा महान फलंदाज विराट कोहली (Virat Kohli) हा सध्या जगातील सर्वोत्तम फलंदाज मानला जातो. मात्र, 2024 हे वर्ष त्याच्या एकदिवसीय कारकिर्दीसाठी चांगले राहिले नाही. नुकतीच, भारत आणि श्रीलंका यांच्यातील एकदिवसीय मालिका (IND vs SL ODI Series) संपुष्टात आली आहे आणि टीम इंडियाची (Team India) कामगिरी खूपच खराब झाली, परिणामी टीम इंडियाला मालिका 2-0 ने गमवावी लागली. तिसऱ्या वनडेत भारताचा 110 धावांनी पराभव झाला. संपुर्ण मालिकेत विराट कोहली विशेष काही करू शकला नाही आणि तो सपशेल फ्लॉप झाला. अशा परिस्थितीत आज आम्ही तुम्हाला विराट कोहलीच्या वनडे करिअरच्या त्या 5 वर्षांची माहिती देणार आहोत ज्यात त्याची बॅट अजिबात चालली नाही.

1. 2024 (58 धावा)

2024 हे वर्ष विराट कोहलीसाठी त्याच्या एकदिवसीय कारकिर्दीतील फलंदाजीच्या दृष्टीने सर्वात वाईट वर्ष ठरले आहे. या वर्षी विराटने 3 सामने खेळले ज्यात त्याच्या बॅटमधून फक्त 58 धावा आल्या. कोहलीला 2024 मध्ये एकही अर्धशतक झळकावता आलेले नाही.

2. 2022 (302 धावा)

2022 हे वर्ष विराट कोहलीसाठी खूप वाईट होते. या वर्षी कोहलीने शतक झळकावले होते, तरीही त्याची बॅट बहुतांश सामन्यांमध्ये शांत राहिली. 2022 मध्ये त्याने 11 एकदिवसीय सामने खेळले. ज्यामध्ये त्याने 1 शतक आणि 2 अर्धशतकांच्या मदतीने 302 धावा केल्या. 2022 मध्ये कोहलीची सर्वोच्च धावसंख्या 113 धावा होती.

3. 2021 (129 धावा)

विराट कोहलीने 2021 मध्ये 3 वनडे सामने खेळले. विराटसाठी हे वर्ष चांगले होते. विराट कोहलीने 3 सामन्यात 2 अर्धशतकांच्या मदतीने 129 धावा केल्या होत्या. 2021 मध्ये एकदिवसीय सामन्यात त्याची सर्वोच्च धावसंख्या 66 होती. (हे देखील वाचा: IND vs SL 2nd ODI: विराट कोहलीला डीआरएसने वाचवले तर श्रीलंकेच्या खेळाडूंना बसेना विश्वास, भर मैदानात झाला फुल ऑन ड्रामा! (Watch Video)

4. 2009 (325 धावा)

किंग कोहलीच्या वनडे कारकिर्दीसाठी 2009 हे वर्षही संमिश्र वर्ष होते. 2009 मध्ये त्याने 10 सामने खेळले. यामध्ये त्याने 1 शतक आणि 2 अर्धशतकांच्या मदतीने 325 धावा केल्या. 2009 मध्ये कोहलीची वनडेतील सर्वोच्च धावसंख्या 107 धावा होती.

5. 2008 (159 धावा)

भारतीय संघाचा महान फलंदाज विराट कोहलीने 2008 साली एकदिवसीय क्रिकेटमध्ये पदार्पण केले. या वर्षी कोहलीला भारताकडून 5 एकदिवसीय सामन्यांमध्ये खेळण्याची संधी मिळाली, त्याने 1 अर्धशतकाच्या मदतीने 159 धावा केल्या. 2008 मध्ये कोहलीची सर्वोच्च धावसंख्या 54 धावा होती.