Senior Women's ODI Trophy: 22 चौकार, 11 षटकार… शेफाली वर्माने गोलंदाजांना धू धू धूतला; 197 धावा करत केला कहर (पाहा व्हिडिओ)
आता उर्वरित 2 सामने खेळायचे आहेत. याआधी भारताने टी-20 मालिका 3-0 ने जिंकली होती. या मालिकेतून बाहेर पडलेली ओपन शेफाली वर्मा अचानक चर्चेत आली आहे. तिने वरिष्ठ महिला एकदिवसीय ट्रॉफीमध्ये बॅटने कहर केला आणि 197 धावा केल्या.
Shafali Verma Century: सध्या भारतीय महिला क्रिकेट संघ वेस्ट इंडिजविरुद्ध तीन सामन्यांची वनडे मालिका खेळत आहे. टीम इंडियाने पहिला सामना 211 धावांनी जिंकला होता. आता उर्वरित 2 सामने खेळायचे आहेत. याआधी भारताने टी-20 मालिका 3-0 ने जिंकली होती. या मालिकेतून बाहेर पडलेली ओपन शेफाली वर्मा (Shafali Verma) अचानक चर्चेत आली आहे. तिने वरिष्ठ महिला एकदिवसीय ट्रॉफीमध्ये बॅटने कहर केला आणि 197 धावा केल्या. या खेळीच्या जोरावर तिने निवडकर्त्यांना चोख प्रत्युत्तर दिले आहे. तिच्या खेळीत 22 चौकार आणि 11 षटकारांचा समावेश होता, तिच्या मदतीने हरियाणाने राजकोटच्या निरंजन शाह स्टेडियमवर खेळल्या गेलेल्या सामन्यात बंगालविरुद्ध 389/5 अशी मोठी धावसंख्या उभारली.
शेफाली वर्माने कारकिर्दीतील सर्वात मोठी धावसंख्या केली
शेफाली वर्माने बंगालविरुद्ध 171.30 च्या स्ट्राईक रेटने एकूण 33 चौकार लगावले. ही तिच्या कारकिर्दीतील सर्वोत्तम लिस्ट ए स्कोअर आहे. इतकंच नाही तर ती महिला वनडे ट्रॉफीमध्ये सर्वात जलद शतक झळकावणारी खेळाडू बनली आहे. (हे देखील वाचा: Ruturaj Gaikwad Century: ऋतुराज गायकवाडने 200 च्या स्ट्राईक रेटने शतक झळकावत महाराष्ट्राचा विजय केला सोप्पा)
शेफालीचे द्विशतक तीन धावांनी हुकले
शेफालीने आणखी तीन धावा केल्या असत्या तर ती यावर्षी लिस्ट-ए क्रिकेटमध्ये द्विशतक झळकावणारी तिसरी भारतीय महिला फलंदाज ठरली असती. ती बंगालची गोलंदाज मीता पॉलकडे सुष्मिता गांगुलीच्या हातून झेलबाद झाली. वर्माशिवाय हरियाणासाठी सोनिया मेंढियाने 41 चेंडूत 61 धावा आणि रीमा सिसोदियाने 72 चेंडूत 58 धावा केल्या. तर त्रिवेणी वशिष्ठने 46 धावांचे योगदान दिले.
टी-20 आणि वनडे संघात मिळाले नाही स्थान
शफालीला वेस्ट इंडिजविरुद्धच्या वनडे आणि टी-20 मालिकेतून वगळण्यात आले होते. याचे कारण तिचा खराब फॉर्म होता. त्यापूर्वी (तीन सामने) न्यूझीलंडविरुद्धच्या वनडे मालिकेतील तीन सामन्यांत तिने केवळ 56 धावा केल्या होत्या. टी-20 विश्वचषकातील चार सामन्यांमध्ये केवळ 97 धावा झाल्या. स्ट्राइक रेट 110 पेक्षा कमी होता. त्यामुळे तिला संघातून वगळण्यात आले. आता शेफालीच्या या स्फोटक खेळीनंतर ती लवकरच टीम इंडियात पुनरागमन करेल आणि आपल्या कामगिरीने संघाला मजबूत करेल अशी अपेक्षा आहे.