Men's FIH Hockey5s World Cup 2024: आज टीम इंडिया खेळणार दोन मोठे सामने, येथे जाणून घ्या कधी, अन् कुठे पाहणार लाइव्ह

ओमान येथे रविवारी, 28 जानेवारी रोजी पुरुषांच्या FIH हॉकी 5s विश्वचषक 2024 मध्ये पूल B च्या तिसऱ्या सामन्यात भारत स्वित्झर्लंडशी भिडणार आहे. यानंतर संध्याकाळी साडेसात वाजता इजिप्तशी सामना होईल. टीम इंडियाने सुवर्णपदकाच्या खेळात पाकिस्तानला पेनल्टीवर 2-0 ने पराभूत केले आणि 2023 पुरुषांची आशियाई हॉकी 5s विश्वचषक पात्रता क्रमवारीत अव्वल स्थानावर राहिली. त्यांनी बांगलादेश (15-1), ओमान (12-2), मलेशिया (7-5) आणि जपान (35-1) यांच्यावर विजय मिळवला होता. दरम्यान, टीम इंडियाला आज दोन सामने खेळायचे आहेत.

पूल B मधील तिसरा सामना भारत विरुद्ध स्वित्झर्लंड हा हॉकी ओमान स्थळ, अल अमरात 119, ओमान येथे होणार आहे. हा सामना भारतीय वेळेनुसार सकाळी 11.10 वाजता सुरू होईल. याशिवाय भारत विरुद्ध इजिप्त यांच्यातील दुसरा सामना भारतीय वेळेनुसार संध्याकाळी 7.30 वाजता होणार आहे. आणि तिसरा सामना उद्या सकाळी साडेनऊ वाजता होणार आहे. हे सर्व सामने तुम्ही स्पोर्ट्स 18 3 च्या माध्यमातून टीव्हीवर पाहू शकाल. तुम्ही जिओ सिनेमा मोबाईलवर अगदी मोफत पाहू शकाल.