India Beat Japan: भारतीय महिला बॅडमिंटन संघाने इतिहास रचला, आशिया चॅम्पियनशिपच्या अंतिम फेरीत मारली धडक

Badminton Asia Team Championships 2024: भारताच्या महिला बॅडमिंटन संघाने बॅडमिंटन आशिया चॅम्पियनशिपच्या (Badminton Asia Team Championships 2024) अंतिम फेरीत प्रवेश करत इतिहास रचला आहे. भारतीय महिला संघाने उपांत्य फेरीत माजी विजेत्या जपानचा 3-2 असा पराभव (India Beat Japan) केला आणि प्रथमच या स्पर्धेच्या विजेतेपदाच्या सामन्यात प्रवेश केला. यामुळे भारताचे किमान रौप्य पदक निश्चित आहे. भारतीय महिला किंवा पुरुष संघाने बॅडमिंटन आशिया सांघिक स्पर्धेच्या अंतिम फेरीत प्रवेश करण्याची ही पहिलीच वेळ आहे. भारतीय संघाच्या विजयाची हिरो ठरली ती 17 वर्षीय अनमोल खरब, जिने निर्णायक सामना जिंकला.