Varun Aaron First Class Retirement: रणजी ट्रॉफी दरम्यान वरुन आरोनने जाहीर केली निवृत्ती, 'या' संघासोबत खेळणार शेवटचा सामना
34 वर्षीय आरोनने 2008 मध्ये प्रथम श्रेणी क्रिकेटमध्ये पदार्पण केले होते जेव्हा झारखंडचा जम्मू-काश्मीरचा सामना झाला होता. आतापर्यंत त्याने 65 सामन्यांमध्ये 33.74 च्या सरासरीने 168 विकेट्स घेतल्या आहेत, ज्यामध्ये सहावेळा पाच बळी घेण्याचा पराक्रम देखील समाविष्ट आहे.
Varun Aaron First Class Retirement: वरुण आरोनने (Varun Aaron) आपल्या रेड बॉल कारकिर्दीला रामराम करण्याचा निर्णय घेतला आहे. जमशेदपूरच्या कीनन स्टेडियमवर झारखंडचा सामना राजस्थानशी होत असताना हा वेगवान गोलंदाज आपला अंतिम रणजी सामना खेळत आहे. 34 वर्षीय आरोनने 2008 मध्ये प्रथम श्रेणी क्रिकेटमध्ये पदार्पण केले होते जेव्हा झारखंडचा जम्मू-काश्मीरचा सामना झाला होता. आतापर्यंत त्याने 65 सामन्यांमध्ये 33.74 च्या सरासरीने 168 विकेट्स घेतल्या आहेत, ज्यामध्ये सहावेळा पाच बळी घेण्याचा पराक्रम देखील समाविष्ट आहे. त्याने 2011 मध्ये इंग्लंड विरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले होते. आरोनने शेवटची कसोटी बंगळुरूमध्ये दक्षिण आफ्रिकेविरुद्ध 2015 मध्ये खेळली आहे. तथापि, त्याने 2011 ते 2015 दरम्यान फक्त आठ कसोटी खेळल्या आणि 52.61 च्या सरासरीने 18 बळी घेतले.