Sri Lanka Crisis: श्रीलंकेतील अर्थिक परिस्थिती अत्यंत गंभीर, कुमार संगकारा, सनथ जयसूर्या यांचे आंदोलनाला समर्थन

भारताचा शेजारी देश श्रीलंकेतील परिस्थिती अत्यंत गंभीर (Sri Lanka Crisis) बनली आहे. आर्थिक विवंचनेमुळे हताश झालेले आंदोलक शनिवारी राष्ट्रपती भवनात पोहोचले, त्यानंतर राष्ट्रपती गोटाबाया राजपक्षे यांनी निवासस्थानातून पळ काढला. कोलंबो, गालेसह जवळपास सर्वच शहरांमध्ये वाईट परिस्थितीचा परिणाम दिसून येत आहे. श्रीलंकेचे दिग्गज क्रिकेटपटूही देशातील जनतेच्या पाठीशी उभे राहिलेले दिसतात. माजी कर्णधार कुमार संगकाराने लोकांच्या कामगिरीचा व्हिडिओ शेअर करताना लिहिले, 'हे आमच्या भविष्यासाठी आहे.' संगकाराचा सहकारी महेला जयवर्धनेनेही त्याचे ट्विट रिट्विट केले. दुसर्‍या ट्विटमध्ये जयवर्धनेने गोटाबाया राजपक्षे यांना #GoHomeGota वापरून पद सोडण्याचा सल्ला दिला आहे.

श्रीलंकेचा माजी कर्णधार सनथ जयसूर्या आंदोलकांच्या समर्थनार्थ रस्त्यावर उतरला आहे. सनथ जयसूर्याही कोलंबोतील राष्ट्रपती भवनाजवळ पोहोचले, तिथे आंदोलकांची गर्दी आहे. जयसूर्याने याबाबतचे काही फोटोही शेअर केले आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)