IND Squad For AFG T20I Series 2024: अफगाणिस्तानविरुद्धच्या टी-20 मालिकेसाठी टीम इंडियाची घोषणा, रोहित शर्मा आणि विराट कोहलीचे पुनरागमन
ही मालिका 11 जानेवारीपासून मोहालीत सुरू होणार आहे. या मालिकेसाठी आज म्हणजेच 7 जानेवारीला टीम इंडियाची घोषणा करण्यात आली आहे.
IND vs AFG T20 Series: टीम इंडिया (Team India) आता या वर्षी जूनमध्ये होणाऱ्या आयसीसी टी-20 विश्वचषक 2024 च्या (ICC World Cup 2023) तयारीला सुरुवात करणार आहे. लवकरच अफगाणिस्तान संघ भारत दौऱ्यावर येणार असून तीन सामन्यांची टी-20 आंतरराष्ट्रीय मालिका (IND vs AFG T20 Series) खेळवली जाणार आहे. ही मालिका 11 जानेवारीपासून मोहालीत सुरू होणार आहे. या मालिकेसाठी आज म्हणजेच 7 जानेवारीला टीम इंडियाची घोषणा करण्यात आली आहे. रोहित शर्मा (Rohit Sharma) आणि विराट कोहली (Virat Kohli) वर्षभरानंतर संघात परतले आहेत. रोहित शर्माकडे संघाची कमान सोपवण्यात आली आहे. (हे देखील वाचा: IND vs AFG T20 Series 2024: टीम इंडियाला मोठा धक्का, अफगाणिस्तानविरुद्धच्या टी-20 मालिकेत हा खेळाडू बाहेर)
अफगाणिस्तान मालिकेसाठी टीम इंडियाचा संघ
रोहित शर्मा (कर्णधार), यशस्वी जैस्वाल, शुभमन गिल, विराट कोहली, टिळक वर्मा, रिंकू सिंग, जितेश शर्मा, संजू सॅमसन, शिवम दुबे, वॉशिंग्टन सुंदर, कुलदीप यादव, अक्षर पटेल, रवी बिश्नोई, मुकेश कुमार, आवेश खान आणि अर्शदीप सिंग .