SNO vs VEL, WT20 Challenge 2022: हरमनप्रीतवर भारी शेफाली-Wolvaardt चे अर्धशतक, वेलोसिटीचा सुपरनोव्हासवर 7 गडी राखून दणदणीत विजय
दीप्ती शर्माच्या नेतृत्वाखालील वेलोसिटीने सुपरनोव्हासचा 7 गडी राखून पराभव केला. सुपरनोव्हासने दिलेल्या 151 धावांच्या लक्ष्याचा पाठलाग करताना वेलोसिटीटी संघाने 10 चेंडू बाकी असताना विजय नोंदवला. लॉरा वॉलवॉर्ट 51 धावांवर नाबाद परतली तर कर्णधार दीप्तीने नाबाद 24 धावा केल्या.
SNO vs VEL, WT20 Challenge 2022: शेफाली वर्मा (Shafali Verma) आणि लॉरा वोल्वार्डच्या (Laura Wolvaardt) अर्धशतकांच्या जोरावर वेलोसिटीने (Velocity) सुपरनोव्हासचा (Supernovas) 7 गडी राखून पराभव केला. यासह दीप्ती शर्माच्या वेलोसिटीने मोहिमेची विजयी सुरुवात केली. लॉरा वोल्वार्ड 51 धावा करून नाबाद राहिली. तर दीप्तीने नाबाद 24 आणि शेफालीने 51 धावांची खेळी केली. दोन सामन्यांतील सुपरनोव्हासचा हा पहिला पराभव आहे. सुपरनोव्हासकडून कर्णधार हरमनप्रीत कौरने (Harmanpreet Kaur) 51 चेंडूत 7 चौकार आणि 3 षटकारांच्या मदतीने 71 धावा केल्या.