SA vs PAK 3rd T20I 2021: टी-20 क्रिकेटमध्ये Aiden Markram याचा जलवा, दक्षिण आफ्रिकेकडून हाशिम अमलानंतर हा खास पराक्रम करणारा दुसरा फलंदाज

SA vs PAK 3rd T20I 2021: दक्षिण आफ्रिका (South Africa) आणि पाकिस्तान (Pakistan) यांच्यात सेंच्युरियन (Centurion) येथे सुरु असलेल्या तिसऱ्या टी-20 सामन्यात नाणेफेक गमावून पहिले फलंदाजी करत यजमान आफ्रिका संघाने निर्धारित 20 षटकांत 5 गडी गमावून 203 धावांचा डोंगर उभारला आहे. संघाचा सलामीवीर एडन मार्क्रमने (Aiden Markram) 31 चेंडूत चार चौकार आणि चार षटकारांच्या मदतीने सर्वाधिक 63 धावांची अर्धशतकी खेळी केली. मार्क्रमचे टी-20 आंतरराष्ट्रीय क्रिकेटमधील हे सलग तिसरे अर्धशतक आहे. यासह, टी-20 क्रिकेटमध्ये आफ्रिकेकडून सलग तीन अर्धशतक ठोकणारा तो दुसरा खेळाडू ठरला आहे. मार्क्रमपूर्वी माजी फलंदाज हाशिम आमलाने (Hashim Amla) आफ्रिकी संघाकडून हा खास पराक्रम केला होता.