Rohit Sharma New Record: उपांत्य फेरीत रोहित शर्माचा मोठा पराक्रम, नावावर केला 'हा' मोठा विक्रम
यासह त्याने मोठी कामगिरी केली आहे. रोहित शर्माने कर्णधार म्हणून आंतरराष्ट्रीय क्रिकेटमध्ये 5 हजार धावा पूर्ण केल्या आहेत. यासह तो उच्चभ्रूंच्या यादीत सामील झाला आहे. सर्वाधिक धावा करणाऱ्या भारतीय कर्णधारांच्या यादीत रोहित पाचव्या स्थानावर पोहोचला आहे.
Rohit Sharma 5000 Runs As Captain: टीम इंडियाचा कर्णधार रोहित शर्मा (Rohit Sharma) फॉर्ममध्ये परतला आहे. ऑस्ट्रेलियाविरुद्ध 92 धावांची खेळी करून खळबळ माजवणारा रोहित इंग्लंडविरुद्ध खेळल्या जाणाऱ्या टी-20 विश्वचषकाच्या उपांत्य सामन्यातही जबरदस्त फॉर्ममध्ये दिसत आहे. रोहितने आतापर्यंत 26 चेंडूत 6 चौकार मारत 37 धावा केल्या आहेत. यासह त्याने मोठी कामगिरी केली आहे. रोहित शर्माने कर्णधार म्हणून आंतरराष्ट्रीय क्रिकेटमध्ये 5 हजार धावा पूर्ण केल्या आहेत. यासह तो उच्चभ्रूंच्या यादीत सामील झाला आहे. सर्वाधिक धावा करणाऱ्या भारतीय कर्णधारांच्या यादीत रोहित पाचव्या स्थानावर पोहोचला आहे. या यादीत विराट कोहलीचे नाव अग्रस्थानी आहे. कोहलीने भारतीय कर्णधार म्हणून 12883 धावा केल्या आहेत. तर एमएस धोनी दुसऱ्या स्थानावर आहे. धोनीने 11207 धावा केल्या. मोहम्मद अझरुद्दीन 8095 धावांसह तिसऱ्या स्थानावर तर सौरव गांगुली 7643 धावांसह चौथ्या स्थानावर आहे. आता या यादीत रोहित शर्माचेही नाव जोडले गेले आहे.