Ravindra Jadeja 300 Wickets in Test Cricket: कानपूर कसोटीत रवींद्र जडेजाचा भीम पराक्रम! ठरला पहिला आशियाई गोलंदाज
यासह जडेजाने इतिहास रचला आहे. आता अशी कामगिरी करणारा जडेजा आशियातील पहिला गोलंदाज ठरला आहे.
IND vs BAN 2nd Test 2024: भारत आणि बांगलादेश यांच्यातील दोन सामन्यांच्या (IND vs BAN 2nd Test) कसोटी मालिकेतील शेवटचा आणि दुसरा सामना कानपूरच्या ग्रीन पार्क स्टेडियमवर (Kanpur Green Park) खेळवला जात आहे. खराब आऊटफिल्डमुळे दोन दिवस खेळ झाला नाही. त्यानंतर आज चौथ्या दिवसाचा खेळ सुरूच आहे. कानपूर कसोटीच्या पहिल्या डावात चौथ्या दिवशी बांगलादेशचा संघ 233 धावांत गडगडला. बांगलादेशला पहिल्या डावात रवींद्र जडेजाने (Ravindra Jadeja) अखेरचा धक्का दिला. यासह जडेजाने इतिहास रचला आहे. आता अशी कामगिरी करणारा जडेजा आशियातील पहिला गोलंदाज ठरला आहे. रवींद्र जडेजाला पहिल्या डावात केवळ एक विकेट घेण्यात यश आले. ही एक विकेट घेऊन जडेजाने कसोटी क्रिकेटमध्ये 300 बळीही पूर्ण केले आहेत. जडेजा आता कसोटी क्रिकेटमध्ये सर्वात जलद 300 बळी आणि 3000 धावा करणारा आशियाई खेळाडू बनला आहे.