Ravindra Jadeja New Record: संजू सॅमसनला बाद करून रवींद्र जडेजाने रचला इतिहास, मोठे दिग्गजही करू शकले नाहीत हा पराक्रम

आज इंडियन प्रीमियर लीगच्या 16व्या हंगामातील 17वा सामना चेन्नई सुपर किंग्ज आणि राजस्थान रॉयल्स यांच्यात खेळला गेला. चेन्नईच्या एमए चिदंबरम स्टेडियमवर हा सामना झाला. या सामन्यात राजस्थान रॉयल्सने चेन्नई सुपर किंग्जचा 3 धावांनी पराभव केला आहे. दरम्यान, राजस्थान रॉयल्सविरुद्ध रवींद्र जडेजा आपल्या डावातील 9वे षटक टाकण्यासाठी आला होता. या षटकाच्या तिसऱ्या चेंडूवर सेटचा फलंदाज देवदत्त पडिक्कलला रवींद्र जडेजाने बाद केले. यानंतर त्याच षटकाच्या पाचव्या चेंडूवर रवींद्र जडेजाने राजस्थानचा कर्णधार संजू सॅमसनला एका अप्रतिम चेंडूवर त्रिफळाचीत केले. संजू सॅमसन खाते न उघडताच बाद झाला. या विकेटसह रवींद्र जडेजाने टी-20 क्रिकेटमध्ये 200 विकेट पूर्ण केल्या आहेत. रवींद्र जडेजाने आपल्या कारकिर्दीतील 296 व्या सामन्यात हा पराक्रम केला.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)