Asia Cup 2023 Big Update: पाकिस्तानची पुन्हा होणार निराशा, यूएईमध्ये आशिया चषक होण्याची शक्यता; बहरीनमध्ये एसीसीची झाली बैठक

Asia Cup 2023: आशियाई क्रिकेट परिषद (ACC) पुढील महिन्यात आशिया चषक एकदिवसीय स्पर्धेसाठी पर्यायी ठिकाण ठरवणार आहे. शनिवारी, भारतीय क्रिकेट बोर्ड (BCCI) चे सचिव जय शाह आणि पाकिस्तान क्रिकेट बोर्ड (PCB) चे अध्यक्ष नजम सेठी यांच्यात बहरीनमध्ये पहिली औपचारिक बैठक झाली. आशिया चषक यूएई किंवा श्रीलंकेत आयोजित केला जाऊ शकतो, असे मानले जात आहे. त्याची अधिकृत घोषणा अद्याप झालेली नाही. या वर्षी सप्टेंबरमध्ये होणारी आशिया चषक स्पर्धा पाकिस्तानकडे सोपवण्यात आली होती, परंतु ACC चेअरमन जय शाह यांनी ऑक्टोबरमध्ये सांगितले होते की भारतीय संघ पाकिस्तानचा दौरा करणार नाही. असे मानले जाते की संयुक्त अरब अमिराती (UAE) मधील तीन ठिकाणे दुबई, अबू धाबी आणि शारजाह येथे आयोजित केली जाऊ शकतात परंतु हा निर्णय तूर्तास स्थगित ठेवण्यात आला आहे. ते पाकिस्तानमधून बाहेर काढण्यामागचा एक युक्तिवाद असा आहे की, पाकिस्तानी रुपयाची डॉलरच्या तुलनेत तिथं झपाट्याने घसरण होत आहे. अशा स्थितीत तेथे ही स्पर्धा आयोजित करण्यासाठी एसीसीला मोठा खर्च करावा लागणार आहे.

Tweet

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)