IPL 2023 Match 12, MI vs CSK Live Score Update: मुंबई इंडियन्सने चेन्नईला दिले 158 धावांचे लक्ष्य, जडेजाने घेतल्या तीन विकेट
मुंबई इंडियन्सचा पहिल्या सामन्यात आरसीबीने 8 गडी राखून पराभव केला होता. CSK ने दोन सामने खेळले आहेत ज्यात एक जिंकला आणि एकात पराभवाचा सामना करावा लागला. आजच्या रोमांचक सामन्यात रोहित शर्मा आणि एमएस धोनी आमनेसामने आहेत.
आज IPL 2023 चा 12 वा सामना मुंबई इंडियन्स आणि चेन्नई सुपर किंग्ज यांच्यात खेळला जात आहे. हा सामना मुंबईतील वानखेडेवर खेळला जात आहे. या मोसमात मुंबई इंडियन्सची सुरुवात चांगली झाली नाही. मुंबई इंडियन्सचा पहिल्या सामन्यात आरसीबीने 8 गडी राखून पराभव केला होता. CSK ने दोन सामने खेळले आहेत ज्यात एक जिंकला आणि एकात पराभवाचा सामना करावा लागला. आजच्या रोमांचक सामन्यात रोहित शर्मा आणि एमएस धोनी आमनेसामने आहेत. दरम्यान, चेन्नई सुपर किंग्जचा कर्णधार एमएस धोनीने नाणेफेक जिंकून प्रथम गोलंदाजी करण्याचा निर्णय घेतला आहे. नाणेफेक हारल्यानंतर प्रथम फलंदाजी करण्यासाठी आलेल्या मुंबई इंडियन्सच्या संघाने निर्धारित 20 षटकांत 8 गडी गमावून 157 धावा केल्या. मुंबई इंडियन्सकडून सलामीवीर इशान किशनने सर्वाधिक ३२ धावा केल्या. चेन्नई सुपर किंग्जकडून अष्टपैलू रवींद्र जडेजाने सर्वाधिक तीन बळी घेतले. हा सामना जिंकण्यासाठी चेन्नई सुपर किंग्ज संघाला 20 षटकात 158 धावा करायच्या आहेत.