Mohammad Shami Haseen Jahan Case: आशिया चषकापुर्वी मोहम्मद शमीच्या अडचणीत वाढ, पत्नी हसीन जहाँशी झालेल्या वादात कोर्टाने दिले 'हे' आदेश

आशिया चषक 2023 (Asia Cup 2023) 30 ऑगस्टपासून सुरू होत आहे, ज्यामध्ये भारताला 2 सप्टेंबर रोजी श्रीलंकेत पाकिस्तानविरुद्ध पहिला सामना खेळायचा आहे. यापूर्वी भारताचा वेगवान गोलंदाज मोहम्मद शमीच्या (Mohammad Shami) अडचणी वाढताना दिसत आहेत. पत्नी हसीन जहाँसोबत (Haseen Jahan) सुरू असलेल्या वादात न्यायालयाने शमी आणि त्याचा भाऊ मोहम्मद हसीब यांना 30 दिवसांच्या आत जामीन मिळण्याचे आदेश दिले आहेत. मोहम्मद शमी हा आशिया चषकात भारतीय वेगवान आक्रमणाचा प्रमुख गोलंदाज आहे. आज तकच्या रिपोर्टनुसार, मोहम्मद शमीला 30 दिवसांच्या आत कोर्टातून जामीन घ्यावा लागणार आहे. अशा स्थितीत त्यांच्यासाठी चषकापुढे मोठी समस्या निर्माण होऊ शकते. चषकासाठी निवडलेला टीम इंडियाचा संघ सध्या बंगळुरू येथील एनसीए येथे आशिया चषक शिबिरात भाग घेत आहे.