IND vs AUS, 5th T20 Live Score Update: भारताने ऑस्ट्रेलियाला दिले 161 धावांचे लक्ष्य, श्रेयस अय्यरने सर्वाधिक केल्या 53 धावा
प्रथम फलंदाजी करताना भारताने ऑस्ट्रेलियासमोर 161 धावांचे लक्ष्य ठेवले आहे.
भारत आणि ऑस्ट्रेलिया (IND vs AUS) यांच्यातील पाच सामन्यांच्या टी-20 मालिकेतील शेवटचा सामना आज बेंगळुरू येथील चिन्नास्वामी स्टेडियमवर खेळवला जात आहे. चौथा सामना जिंकून भारतीय संघाने मालिकेवर आधीच कब्जा केला आहे. अशा स्थितीत सूर्यकुमार यादव आता मालिकेत 4-1 अशी आघाडी वाढवण्याच्या इराद्याने मैदानात उतरेल. त्याचवेळी, ऑस्ट्रेलियन संघही आपला सन्मान वाचवण्यासाठी जोरदार प्रयत्न करेल. दरम्यान, ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना भारताने ऑस्ट्रेलियासमोर 161 धावांचे लक्ष्य ठेवले आहे. टीम इंडियाकडून स्टार फलंदाज श्रेयस अय्यरने सर्वाधिक 53 धावा केल्या. ऑस्ट्रेलियाकडून बेन द्वारशुइस आणि जेसन बेहरेनडॉर्फ यांनी प्रत्येकी सर्वाधिक दोन विकेट घेतल्या. हा सामना जिंकण्यासाठी ऑस्ट्रेलियन संघाला 20 षटकात 161 धावा करायच्या आहेत.