Rahul Dravid Celebration Video: भारताने 17 वर्षांनंतर उचलली टी-20 विश्वचषक ट्रॉफी, राहुल द्रविडने या शैलीत केला आनंद साजरा; पाहा व्हिडिओ
टीम इंडियाला वर्ल्ड चॅम्पियन बनवण्यात राहुल द्रविडनेही महत्त्वाची भूमिका बजावली आहे. राहुल द्रविडनेही खास पद्धतीने विजय साजरा केला.
IND vs SA T20 World Cup Final: टी-20 विश्वचषक स्पर्धेचा अंतिम सामना आज भारत आणि दक्षिण आफ्रिका (IND vs SA) यांच्यात बार्बाडोस येथे खेळवला गेला. या सामन्यात टीम इंडियाने दक्षिण आफ्रिकेचा सात धावांनी पराभव करत दुसऱ्यांदा आयससी टी-20 विश्वचषकावर कब्जा केला आहे. टीम इंडियाने या विश्वचषकात चमकदार कामगिरी केली आणि संपूर्ण स्पर्धेत अपराजित राहिली. नाणेफेक जिंकून प्रथम फलंदाजी करण्यासाठी आलेल्या टीम इंडियाने 20 षटकांत 7 गडी गमावून 176 धावा केल्या. लक्ष्याचा पाठलाग करताना दक्षिण आफ्रिकेचा संघ 20 षटकांत 8 गडी गमावून 169 धावाच करू शकला. टीम इंडियाने ट्रॉफी आपल्या नावावर केली आहे. दरम्यान, प्रशिक्षक म्हणून राहुल द्रविडचा हा शेवटचा सामना होता. टीम इंडियाला वर्ल्ड चॅम्पियन बनवण्यात राहुल द्रविडनेही महत्त्वाची भूमिका बजावली आहे. राहुल द्रविडनेही खास पद्धतीने विजय साजरा केला. ज्याचा व्हिडिओ सोशल मीडियावर व्हायरल होत आहे.
पाहा व्हिडिओ
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)