RR vs GT, IPL 2023 Score Update: गुजरात टायटन्सच्या गोलंदाजांनी केला कहर, राजस्थान रॉयल्स 118 धावांत सर्वबाद

इंडियन प्रीमियर लीगच्या 16 व्या मोसमातील 48 वा सामना आज राजस्थान रॉयल्स आणि गुजरात टायटन्स (GT vs RR) यांच्यात खेळला जात आहे. दोन्ही संघांमधील हा सामना राजस्थान रॉयल्सचे होम ग्राऊंड असलेल्या सवाई मानसिंग स्टेडियमवर खेळला जात आहे. सध्या गुणतालिकेत गुजरात टायटन्स पहिल्या तर राजस्थान रॉयल्स चौथ्या स्थानावर आहेत. दोन्ही संघांनी आतापर्यंत 9-9 सामने खेळले आहेत. यादरम्यान गुजरात टायटन्सचे 6 आणि राजस्थान रॉयल्सचे 5 विजय आहेत. गुजरात टायटन्सचा 12 गुणांसह +0.532 चा निव्वळ रन रेट आहे, तर राजस्थान रॉयल्सचा 10 गुण आणि निव्वळ रन रेट +0.800 आहे. या सामन्यात दोन्ही संघांमध्ये चुरशीची लढत होणार आहे. दरम्यान, राजस्थान रॉयल्सचा कर्णधार संजू सॅमसनने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून प्रथम फलंदाजी करण्यासाठी आलेल्या राजस्थान रॉयल्सच्या संघाने निर्धारित 17.5 षटकात 118 धावा केल्या. राजस्थान रॉयल्सकडून कर्णधार संजू सॅमसनने सर्वाधिक 30 धावा केल्या. गुजरात टायटन्सकडून राशिद खानने सर्वाधिक तीन बळी घेतले. हा सामना जिंकण्यासाठी गुजरात टायटन्स संघाला 20 षटकात 119 धावा करायच्या आहेत.