ENG vs SL 1st Test: श्रीलंकेविरुद्धच्या पहिल्या कसोटी सामन्यासाठी इंग्लंडची प्लेइंग इलेव्हन जाहीर, ऑली पोप करणार संघाचे नेतृत्व
श्रीलंकेविरुद्धच्या तीन कसोटी सामन्यांसाठी हॅरी ब्रूककडे संघाचे उपकर्णधारपद सोपवण्यात आले आहे, तर बेन स्टोक्सच्या अनुपस्थितीत ऑली पोप संघाचे नेतृत्व करताना दिसणार आहे. ब्रूक वेस्ट इंडिजविरुद्धच्या इंग्लंड कसोटी संघात परतला असून या कसोटी मालिकेत तो ऑली पोपचा सहाय्यक असेल.
England's Playing XI for the first Test: इंग्लंड आणि श्रीलंका यांच्यातील 3 सामन्यांच्या कसोटी मालिकेतील पहिला सामना 21 ऑगस्टपासून खेळवला जाणार असून या सामन्यासाठी इंग्लंडने आपली प्लेइंग 11 ची घोषणा केली आहे. या तीन कसोटी सामन्यांसाठी हॅरी ब्रूककडे संघाचे उपकर्णधारपद सोपवण्यात आले आहे, तर बेन स्टोक्सच्या अनुपस्थितीत ऑली पोप संघाचे नेतृत्व करताना दिसणार आहे. ब्रूक वेस्ट इंडिजविरुद्धच्या इंग्लंड कसोटी संघात परतला असून या कसोटी मालिकेत तो ऑली पोपचा सहाय्यक असेल. श्रीलंकेविरुद्धच्या या कसोटी मालिकेत संघाचा नियमित कर्णधार बेन स्टोक्स नाही, तर संघाचा सलामीवीर फलंदाज जॅक क्रॉली हाही दुखापतीमुळे कसोटी संघाबाहेर आहे. डॅन लॉरेन्स आता जॅकच्या जागी सलामीची जबाबदारी पार पाडणार असून तो बेन डकेटसह डावाची सुरुवात करणार आहे.
पहिल्या कसोटी सामन्यासाठी इंग्लंडची प्लेईंग इलेव्हन
डॅन लॉरेन्स, बेन डकेट, ऑली पोप (कर्णधार), जो रूट, हॅरी ब्रूक (उपकर्णधार), जेमी स्मिथ (विकेटकीपर), ख्रिस वोक्स, गस ऍटकिन्सन, मॅथ्यू पॉट्स, मार्क वुड, शोएब बशीर.