Afghanistan Beat England: विश्वचषकात मोठा अपसेट, अफगाणिस्तानने गतविजेत्या इंग्लंडचा 69 धावांनी केला पराभव, मुजीब-रशीदची जादू
या सामन्यात अफगाणिस्थानने विश्वविजेता इंग्लंडचा 69 धावांनी पराभव केला.
क्रिकेट विश्वचषक 2023 चा 13 वा (ICC Cricket World Cup 2023) सामना रविवारी (15 ऑक्टोबर) इंग्लंड आणि अफगाणिस्तान (ENG vs AFG) यांच्यात दिल्लीच्या अरुण जेटली स्टेडियमवर खेळवला गेला. या सामन्यात अफगाणिस्थानने विश्वविजेता इंग्लंडचा 69 धावांनी पराभव केला. हा अफगाणिस्थानचा विश्वचषकातील पहिला विजय आहे. तत्तपुर्वी, इंग्लडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करत अफगाणिस्तान संघाने इंग्लडसमोर 285 धावाचे लक्ष्य ठेवले होते. अफगाणिस्तानसाठी सलामीवीर रहमानउल्ला गुरबाजने सर्वाधिक 80 धावा केल्या. इंग्लंडकडून आदिल रशीदने सर्वाधिक तीन बळी घेतले. लक्ष्याचा पाठलाग करताना इंग्लंडचा संपूर्ण संघ 40.3 षटकांत केवळ 215 धावा करून अपयशी ठरला. इंग्लंडकडून हॅरी ब्रूकने सर्वाधिक 66 धावा केल्या. अफगाणिस्तानकडून मोहम्मद नबी आणि मुजीब उर रहमान यांनी सर्वाधिक तीन बळी घेतले.