NZ vs ENG: विश्वचषकापूर्वी इंग्लंडला मोठा धक्का, स्फोटक अष्टपैलू 'बेन स्टोक्स' पहिल्याच सामन्यातून बाहेर!

आयसीसी विश्वचषक 2023 आधी (ICC Crcket World Cup 2023) इंग्लंडला मोठा धक्का बसला आहे. अहवालानुसार, इंग्लंडचा महान अष्टपैलू खेळाडू बेन स्टोक्स (Ben Stokes) पहिल्या सामन्यातून बाहेर असल्याचा दावा केला जात आहे. दुखापतीमुळे तो पहिल्या सामन्यातून बाहेर पडला आहे. अशा परिस्थितीत इंग्लंडसाठी पहिला सामना खूप कठीण आहे. विश्वचषकाचा पहिला सामना इंग्लंड आणि न्यूझीलंड यांच्यात जगातील सर्वात मोठ्या क्रिकेट स्टेडियममध्ये होणार आहे. हा सामना उद्या म्हणजेच गुरुवारी दुपारी 2 वाजता सुरू होईल. तत्पूर्वी आज नरेंद्र मोदी स्टेडियमवर कॅप्टन मीट झाली. यामध्ये इंग्लंडचा कर्णधार जोस बटलरने बेन स्टोक्स दुखापतीमुळे पहिल्या सामन्यातून बाहेर पडणार असल्याचे सांगितले जात आहे.