India T20I Squad For England Series: मोठी बातमी! इंग्लंडविरुद्ध टी-20 मालिकेसाठी भारतीय संघ जाहीर, मोहम्मद शमीचे पुनरागमन, पंतला विश्रांती
इंडियन एक्सप्रेस वृत्तानुसार, टी-20 मालिकेतून मोहम्मद शमीचे भारतीय संघात पुनरागमन झाले आहे. तर ऋषभ पंत टी-20 मालिकेतून बाहेर पडला आहे. पंतच्या जागी संजू सॅमसन यष्टिरक्षक फलंदाज म्हणून खेळताना दिसेल. तर ध्रुव जुरेलचा संघात समावेश करण्यात आला आहे.
India National Cricket Team vs England National Cricket Team: भारतीय संघ 22 जानेवारीपासून इंग्लंडविरुद्ध पाच सामन्यांची टी-20 मालिका खेळणार आहे. या मालिकेसाठी टीम इंडियाचा संघ आज जाहीर झाला आहे. भारतीय संघ कर्णधार सूर्यकुमार यादवच्या (Suryakumar Yadav) नेतृत्वाखाली मैदानात उतरताना दिसणार आहे. टी-20 मालिकेतून मोहम्मद शमीचे (Mohammed Shami) भारतीय संघात पुनरागमन झाले आहे. तर ऋषभ पंत टी-20 मालिकेतून बाहेर पडला आहे. पंतच्या जागी संजू सॅमसन यष्टिरक्षक फलंदाज म्हणून खेळताना दिसेल. तर ध्रुव जुरेलचा संघात समावेश करण्यात आला आहे. ऑस्ट्रेलियाविरुद्धच्या कसोटी मालिकेत चमकदार कामगिरी करणारा अष्टपैलू नितीश कुमार रेड्डी देखील टी-20 संघाचा भाग आहे. मधल्या फळीतील फलंदाज रियान पराग दुखापतीमुळे संघाचा भाग नाही.
इंग्लंडविरुद्ध टी-20 मालिकेसाठी भारतीय संघ
सूर्यकुमार यादव (कर्णधार), संजू सॅमसन (विकेटकीपर), अभिषेक शर्मा, तिलक वर्मा, हार्दिक पंड्या, रिंकू सिंग, नितीश कुमार रेड्डी, अक्षर पटेल (उपकर्णधार), हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई, वॉशिंग्टन सुंदर, ध्रुव जुरेल (विकेटकीपर).