IND vs AFG T20 Series 2024: टीम इंडियाला मोठा धक्का, अफगाणिस्तानविरुद्धच्या टी-20 मालिकेत हा खेळाडू बाहेर

IND vs AFG T20: भारत आणि अफगाणिस्तान (IND vs AFG) यांच्यात 11 जानेवारीपासून 3 सामन्यांची टी-20 मालिका खेळवली जाणार आहे. या मालिकेसाठी अफगाणिस्तानचा संघ भारतात दाखल झाला आहे. पण भारतीय क्रिकेट नियामक मंडळाने (BCCI) अद्याप भारतीय संघाची घोषणा केलेली नाही. दरम्यान, एक मोठी बातमी समोर आली आहे. टीम इंडियाचा एक स्टार खेळाडू या मालिकेतून बाहेर पडला आहे. सलामीवीर ऋतुराज गायकवाड (Ruturaj Gaikad) अफगाणिस्तानविरुद्ध खेळल्या जाणाऱ्या टी-20 मालिकेसाठी उपलब्ध होणार नाही. ESPNcricinfo च्या रिपोर्टनुसार, गायकवाड सध्या बोटाच्या दुखापतीने त्रस्त आहे. 19 डिसेंबर रोजी पोर्ट एलिझाबेथ येथे दक्षिण आफ्रिकेविरुद्धच्या दुसऱ्या एकदिवसीय सामन्यात गायकवाडला बोटाला दुखापत झाली होती. या दुखापतीमुळे तो वनडेपाठोपाठ कसोटी मालिकेतूनही बाहेर पडला होता. (हे देखील वाचा: IND vs AFG T20 Head To Head Record: भारत आणि अफगाणिस्तान टी-20 मालिकेत कोण आहे वरचढ? येथे पाहा हेड टू हेड आकडेवारी)