Rohit Sharma Video: ‘त्यांनी आपली 19 नोव्हेंबरची रात्र खराब केली’, रोहित शर्माचं भावनिक वक्तव्य, व्हिडिओ झाला व्हायरल
स्टार स्पोर्ट्सशी संवाद साधताना रोहित म्हणाला, 'राग सगळ्यांच्या मनात होता... त्यांनी 19 नोव्हेंबरची रात्र खराब केली होती, आमचं नाही तर संपूर्ण देशाचं.' हसत-हसत रोहित पुढे म्हणाला, 'असं असताना ऑस्ट्रेलियालाही एक गिफ्ट मिळायला हवं होतं.' यावेळी भारताने टी-20 विश्वचषक सामन्यात ऑस्ट्रेलियाला 24 धावांनी पराभूत केलं.
Rohit Sharma On ICC World Cup 2023 Final: भारतीय संघाचा कर्णधार रोहित शर्माने (Rohit Sharma) ऑस्ट्रेलियाविरुद्ध टी-20 विश्वचषक 2024 मध्ये मिळालेल्या विजयाला 2023 च्या वनडे विश्वचषकाच्या अंतिम फेरीतील पराभवाचं ‘गिफ्ट’ म्हटलं आहे. स्टार स्पोर्ट्सशी संवाद साधताना रोहित म्हणाला, 'राग सगळ्यांच्या मनात होता... त्यांनी 19 नोव्हेंबरची रात्र खराब केली होती, आमचं नाही तर संपूर्ण देशाचं.' हसत-हसत रोहित पुढे म्हणाला, 'असं असताना ऑस्ट्रेलियालाही एक गिफ्ट मिळायला हवं होतं.' यावेळी भारताने टी-20 विश्वचषक सामन्यात ऑस्ट्रेलियाला 24 धावांनी पराभूत केलं. रोहितने असंही स्पष्ट केलं की सामन्यादरम्यान त्याच्या मनात प्रतिशोधाची भावना नव्हती, पण ड्रेसिंग रूममध्ये यावर विनोद होत असतात. या विधानामुळे चाहत्यांच्या मनात पुन्हा एकदा 2023 च्या अंतिम सामन्याची आठवण ताजी झाली, जेव्हा ट्रॅव्हिस हेडने 137 धावांची खेळी करत भारताच्या विजयी स्वप्नाला खोडून काढलं होतं.