Shocking Visuals: लालबागचा राजा येथे भाविकांना धक्काबुक्की; उद्भवली चेंगराचेंगरीची परिस्थिती, धक्कादायक व्हिडिओ व्हायरल (Watch)
सोशल मीडियावर याचा एक व्हिडिओ व्हायरल होत आहे, ज्यामध्ये गर्दी, धक्काबुक्की, चेंगराचेंगरी दिसून येत आहे. यावेळी मुंबई पोलीस कुठेही दिसत नाहीत.
मुंबईमधील लालबागचा राजा हा देशातील महत्वाच्या गणपतींपैकी एक आहे. नवसाला पावणारा गणपती अशी याची ख्याती आहे व म्हणूनच दरवर्षी लाखो भाविक या गणपतीच्या दर्शनाला येतात. लालबागचा राजा हा शहरातील गणेशोत्सचा केंद्रबिंदू आहे. यंदाही लालबागच्या राजाला पाहायला भाविक गर्दी करत आहेत, मात्र दरवर्षी प्रमाणे मंडळाचे व्यवस्थापन कुचकामी ठरताना दिसत आहे. गणेशोत्सवाच्या 2 ऱ्या दिवशी मुंबईतील लालबागचा राजा येथे चेंगराचेंगरी सारखी परिस्थिती दिसून आली. लालबागचा राजा सार्वजनिक गणेशोत्सव मंडळात गणपतीचा आशीर्वाद घेण्यासाठी मोठा जमाव जमला होता व यावेळी मोठ्या प्रमाणत धक्काबुक्की झाली.
सोशल मीडियावर याचा एक व्हिडिओ व्हायरल होत आहे, ज्यामध्ये गर्दी, धक्काबुक्की, चेंगराचेंगरी दिसून येत आहे. यामध्ये महिला आणि लहान मुले देखील गर्दीत चिरडताना दिसत आहेत. हा व्हिडिओ पुन्हा एकदा लालबागचा राजा येथे सुव्यवस्था राखण्यात मुंबई पोलिसांच्या अपयशावर प्रकाश टाकतो. (हेही वाचा: Mumbai Ganesh Visarjan 2023: मुंबईत समुद्रावर गणपती विसर्जनामध्ये स्टिंग रे, जेलीफिश पासून सावध राहण्याचा भाविकांना BMC चा सल्ला)